IPhone 12, telefoni që mund të ndryshojë të ardhmen e komunikimit

Apple pritet të debutojë me një seri të iPhone-ve 5G këtë vjeshtë. Telefoni i ri mund të jetë në gjendje të lidhet me gjeneratën e ardhshme të rrjeteve pa tela super të shpejtë, sipas analistit Wedbush, Dan Ives. Ky është një moment i rëndësishëm, që mund të ndihmojë në bindjen e miliona njerëzve për të azhurnuar telefonat e tyre inteligjentë. 5G mund ta bëjë iPhone 12 një produkt të domosdoshëm.

Vitet e fundit, konsumatorët kanë pritur më gjatë për azhurnimet e smartphoneve, një trend që gjithashtu mund të përkeqësohet nga kriza ekonomike e shkaktuar nga pandemia e koronavirusit. Ndërkohë rreziku më i madh për shitjet e pajisjeve të reja është papunësia e lartë dhe rënia e pagave. Analistët kryesisht presin që iPhone 5G të krijojë një “super cikël” të konsumatorëve që blejnë pajisje të reja.

Vlerësohen afërsisht 350 milion nga 950 milion iPhone në treg, që mund të azhurnohen brenda vitit të ardhshëm. IPhone 5G do të bashkohet me një numër të madh të telefonave në treg, të ndërtuar për t’u lidhur me rrjetin e gjeneratës tjetër, duke përfshirë modele nga Motorola (MSI), Samsung (SSNLF), Huawei, LG dhe të tjerët. Samsung, një nga konkurrentët më të fortë të Apple, në janar u mburr se ka mbajtur më shumë se gjysmën e pjesës së tregut global për telefonat 5G. Kujtojmë se javën e kaluar Samsung zbuloi smartphone-in e tij të fundit, Galaxy Note 20, i cili vjen me aftësi 5G.

CNN

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale