Intesa Sanpaolo Bank dhe BERZH firmosin marrëveshjen në mbështetje të bizneseve të zotëruara dhe drejtuara nga gratë - Business Magazine Albania

Intesa Sanpaolo Bank dhe BERZH firmosin marrëveshjen në mbështetje të bizneseve të zotëruara dhe drejtuara nga gratë


5 milionë euro për të përmirësuar qasjen në financim, duke krijuar kredi specifike me interesa më të ulta dhe paketa produktesh e shërbimesh, duke ofruar edukim të mëtejshëm dhe zhvillim personal trajnime dhe këshillime nga ekspertët e BERZH & Bankës.

Intesa Sanpaolo Bank Albania u bashkua me Programin e Grave në Biznes në Ballkanin Perëndimor, në vitin 2015, duke mbështetur biznesin në kategoritë mikro, të vogla dhe të mesme në Shqipëri, me kredi dhe paketa të dedikuara, duke përfshirë një shumë produktesh & shërbimesh. Brenda 2 viteve të para të programit, Banka financoi një shumë totale prej 2 milionë euro për 147 gra në sipërmarrje të suksesshme.

Lexoni: Të zbukurosh biznesin që të ketë sukses. Rafaela Rica Mbështetet nga BERZH 

Banka Europiane për Rindërtim dhe Zhvillim (BERZH) që ka nxitur këtë bashkëpunim të suksesshëm ka vendosur të zgjerojë programin në fazën e dytë me një shumë investimi prej 5 milionë euro, duke synuar përhapjen më të gjerë të këtyre mundësive gjeografikisht dhe kategorikisht. Këto linja kredie u jepen bankave partnere për huadhënie. Shërbimet këshilluese ofrohen krahas mentorimit dhe trajnimeve afatgjata për t’u dhënë grave sipërmarrëse njohuri dhe besim për të ndërmarrë hapin tjetër.

Silvio Pedrazzi, Drejtor Ekzekutiv, garantoi se kredia e re për Intesa Sanpaolo Bank Albania do të mbështesë krijimin e produkteve edhe më gjithëpërfshirëse, të qëndrueshme dhe me fokus në specifikat gjinore, të projektuara posaçërisht për femrat sipërmarrëse, të cilat duhet ta konsiderojnë Bankën një partner afatgjatë biznesi dhe një mbështetës të përpjekjeve të tyre për të pasur sukses në një mjedis shumë sfidues.

Znj. Zsuzsanna Hargitai, Drejtuese Rajonale e Ballkanit Perëndimor në BERZH theksoi rolin e rëndësishëm që ky program po luan në promovimin e pjesëmarrjes së grave në biznes, qasjen e tyre në financim dhe ekspertizën teknike që u duhet për t’u rritur, duke ofruar trajnime në menaxhimin e financave, dixhitalizimit dhe çdo nevojë tjetër të biznesit. Gratë në Biznes kanë dhënë shembullin më të mirë në përmirësimin e portofolit të kredive duke mos pasur asnjë kredi të keqe ndër to. Qeveria Shqiptare është sigurisht një partner kyç për të gjitha programet tona, duke krijuar kushtet për përmirësimin e vijueshëm të klimës së biznesit.

Znj. Anila Denaj, Ministre e Financave në fjalën e saj falënderoi për bashkëpunimin e frytshëm të BERZH-it me sektorin bankar dhe vlerësoi fuqizimin që ky bashkëpunim po i jep përfshirjes së grave në rritjen ekonomike të vendit, duke vijuar të ketë në fokus mbështetjen për bizneset e vogla dhe të mesme, si shtylla kryesore e ekonomisë.

Lexoni: Platforma për mbështetjen e grave sipërmarrëse në biznes, nisma e BERZH dhe Intesa Sanpaolo Bank

Ceremonia u përshëndet nga SH.T.Z. Johan Ndisi, Ambasadori i Suedisë në Tiranë dhe SH.T.Z. Alberto Cutillo, Ambasadori i Italisë në Tiranë, Suedia, Italia dhe Luksemburgu janë mbështetës të programit që nga fillimi i tij në 2014, duke siguruar mbi 30 milion euro për institucionet financiare partnere në të gjithë rajonin, duke ndihmuar më shumë se 2400 ndërmarrje të grave me këshillime dhe mentorim biznesi, duke ofruar mjete ndihmëse përmes platformës online “Business Lens” si dhe trajnime të vazhdueshme dhe mundësi zgjerimi të rrjetit të bashkëpunëtorëve.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0