INSTAT publikon shifrat: Rriten investimet e huaja në vend! Gjatë 2020-ës kontribuan në punësim dhe shitje - Business Magazine Albania

INSTAT publikon shifrat: Rriten investimet e huaja në vend! Gjatë 2020-ës kontribuan në punësim dhe shitje

Gjatë vitit 2020 kanë qenë pikërisht ndërmarrjet e huaja të cilat kanë patur një peshë të konsiderueshme në punësim dhe shitje në vend.

Sipas shifrave të publikuara nga INSTAT, numri i bizneseve të huaja gjatë 2020-ës, është rritur me 2.7% krahasuar me një vit më parë, duke arritur në 4433 biznese nga 4269.

Ndërmarrjet me origjinë nga shtetet e Bashkimit Europian zunë mesatarisht 60,7% duke qenë mbizotëruese në aktivitetet: shërbime të tjera (24,0%), tregti (13,8%) dhe industri (10,8%). Ndërkohë shtetet e Ballkanit Perëndimor përfaqësojnë 8,9% të këtyre ndërmarrjeve.

Gjatë vitit 2020, ndërmarrjet e huaja kanë mundësuar 16.4% të punësimit dhe 22.6% të shitjeve, ku vlen të theksohet Italia e cila zuri 48,0% të punësimit dhe 21,2% të shitjeve neto dhe Kosova e cila mbuloi 2,9% të punësimit dhe 3,5% të shitjeve neto gjatë të njëjtës periudhë kohore.

Po në këtë vit kanë qenë vendet e BE-së të cilat përfaqësojnë pjesën më të madhe të punësimit dhe shitjeve në ndërmarrjet e huaja dhe të përbashkëta. Në vitin 2020, këto vende kanë zënë 77,8% të punësimit dhe 67.4% të shitjeve neto.

Për treguesin e punësimit, përqindja më e lartë e ndërmarrjeve me pronësi të huaj dhe të përbashkët për vitin 2020 është në sektorin e industrisë përpunuese me 38,9%. Për treguesin e shitjeve, përqindja më e lartë e ndërmarrjeve me pronësi të huaj dhe të përbashkët për vitin 2020 është në sektorin e tregtisë me 30,0%.

Lexo edhe: Çfarë e tërhoqi investitorin holandez të investonte në Kosovë?

Shifrat e publikuara nga INSTAT zbulojnë se Holanda dhe Zvicra kanë qenë vendet të cilat kanë dominuar fluksin e investimeve të huaja. Ndërkohë tregtia dominohet nga bizneset turke dhe italiane

Gjatë vitit 2020, pjesën më të madhe të vlerës së eksporteve të mallrave të ndërmarrjeve me pronësi të huaj dhe të përbashkët e zënë ndërmarrjet me pronësi/bashkëpronësi italiane me 46,5%, ndërmarrjet me pronësi/bashkëpronësi Turke me 14,7% dhe ndërmarrjet me pronësi/bashkëpronësi Kineze me 9,7%. Nga ana tjetër vlera e importeve të mallrave për të njëjtën periudhë kohore nga ndërmarrjet me pronësi/bashkëpronësi italiane, zënë vlerën e importeve me 35,7%, ndjekur nga ndërmarrjet me pronësi/bashkëpronësi Turke me 14,4% dhe ndërmarrjet me pronësi/bashkëpronësi Greke mesatarisht me 7,4% .

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0