INSTAT publikon regjistrin e ndërmarrjeve për vitin 2015. Rritet me 26 % numri i ndërmarrjeve aktive


Instituti i Statistikave ka publikuar “Regjistri i Ndërmarrjeve, 2015”

Regjistri Statistikor i Ndërmarrjeve (RSN) përmban të gjitha njësitë ligjore regjistruar pranë sporteleve të Qendrës Kombëtare të Regjistrimit (QKR) apo edhe pranë Organeve Tatimore.

Këto njësi janë të pajisura me Numër Identifikimi të Personit të Tatueshëm (NIPT) dhe ushtrojnë aktivitet ekonomik brenda territorit të Republikës së Shqipërisë.

RSN përditësohet nga burime administrative dhe vrojtime statistikore të organizuara nga Instituti i Statistikave dhe Agjencitë Statistikore.

Në bazë të shifrave regjistri i ndërmarrjeve në fund të vitit 2015 numëron 152,288 ndërmarrje aktive.

Krahasuar me 112,537 ndërmarrje aktive në fund të vitit 2014, shënohet një rritje prej 26 %. Ndërmarrjet me aktivitet ekonomik tregti, akomodim dhe shërbim ushqimor janë mbizotëruese në ekonominë e vendit, me 50 % të ndërmarrjeve gjithsej.

Në grupin e prodhuesve të të mirave ndërmarrjet me 50 e më shumë të punësuar janë të përqendruara në aktivitetin “Industri përpunuese”.

Grupi i prodhuesve të shërbimeve vazhdon të jetë mbizotërues në ekonominë shqiptare, e kryesisht aktiviteti tregtar.

Aktiviteti ekonomik “Tregti” është i preferuar edhe në vendimmarrje për një aktivitet të ri dhe përfaqëson 27,3 % të ndërmarrjeve të regjistruara gjatë vitit 2015.

Rreth 90 % e ndërmarrjeve aktive janë ndërmarrje të vogla me 1-4 të punësuar. Pjesa më e madhe e tyre, 61,8 % janë ndërmarrje me një të punësuar.

/Lexo.al

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale