Ndërsa paga mesatare në vend ka arritur në rreth 56.700 lekë, shumë profesione vijojnë të mbeten në pragun e pagës minimale mujore, duke mos arritur të përmbushin edhe nevojat më bazike të punonjësve. Referuar të dhënave të INSTAT, profesioni më i keqpaguar në vend, një trend që zor se ndryshon, është ai i punëtorëve elementarë, të cilët kanë një shkollim minimal dhe punojnë kryesisht në ndërtim, në fasoneri, industri përpunuese etj, ku paga mujore mesatare arrin rreth 34.700 lekë në muaj.
Po ashtu të pavlerësuar me pagesa janë edhe punonjës të kualifikuar të bujqësisë pyjeve dhe peshkimit, ku paga mujore regjistrohet në 35.580 lekë. Ndërkohë, dy kategori të tjera si punonjës të montimit dhe përdorimit të makinerive dhe pajisjeve si dhe zejtarë, artizanë dhe profesione të lidhura me to, paguhen rreth 39000 lekë në muaj, duke mos mundur të arrijnë as pagën prej 40000 lekësh. Të keqpaguar vijojnë të mbeten edhe punonjësit e shitjeve dhe të shërbimeve, paga mesatare e të cilëve rrumbullakoset në 43000 lekë në muaj.
Të ndara në aktivitete ekonomike, bujqësia pyjet dhe peshkimi, industria, ndërtimi, tregtia, transporti, aktivitetet e akomodimit dhe shërbimit ushqimor janë sektorë që vështirë se mund të gjenerojnë pagesa të mira për punonjësit e tyre. Në këto kushte lind pyetje, se çfarë mund të bëjë një familje shqiptare me pagesa kaq të ulëta, kur çmimet sa vijnë edhe rriten, së bashku me nevojat për veshje e shërbime, detyrimet për shkollimin, shëndetin, faturat e domosdoshme dhe më shumë.
Lexoni: Banka Botërore ofron mundësi formimi në fushën digjitale për gratë në Shqipëri
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
