Inno-Tech Camp Tirana, programi i ri që mbështet të rinjtë sipërmarrës në fushën e teknologjisë


Inno-Tech Camp Tirana është një aktivitet tre ditor i hartuar për t’u ardhur në ndihmë të gjithë startup-eve (kompanive të reja) në fushën e teknologjisë dhe inovacionit, të krijuara nga të rinjtë e moshës 18-25 vjeç, nëpërmjet lidhjes me disa nga trajnerët dhe mentorët më të mirë të fushës brenda dhe jashtë vendit, për një biznes më të mirë dhe të suksesshëm.

Projekti do të zbatohet nga CBTL (Qendra për Biznes, Teknologji dhe Lidership), me mbështetjen e Ambasadës së Shteteve të Bashkuara të Amerikës, Këndit Amerikan (American Corner), si dhe në partneritet me Innovate, Klaster i Inovacionit në Shqipëri. Kompanitë që do të përfitojnë do të jenë vetëm ato të cilat janë aktive dhe e kanë kaluar fazën e ideimit/konceptimit dhe duhet të jenë krijuar brenda tre viteve të fundit.

Të rinjtë sipërmarrës mund të jenë nga çdo qytet i Shqipërisë.

Aplikimet do të vlerësohen nga një komision i pavarur i përbërë nga profesionistë të fushës, nga ku do të përzgjidhen 15 startup-et më të mira për të marrë pjesë në Inno-Tech Camp Tirana (individë ose ekip).

Inno-Tech Camp Tirana do të jetë i ndarë në dy faza, 1 – 2 Mars 2019 dhe 9 Mars 2019. Detajet e organizimit, si vendi dhe axhenda do të ndahen vetëm me të përzgjedhurit nga komisioni.

Gjatë ditëve të aktivitetit të rinjtë do të marrin njohuri për temat që lidhen me një meaxhim më të mirë, siç janë prezantimi i idesë, marketingu dixhital, shitje dhe marketing, të menduarit kreativ (design thinking), planifikimi dhe kërkimi për financime, nga një ekip mentorësh dhe trajnerësh profesionistë të biznesit dhe teknologjisë. Ata do të kenë mundësi të vlerësohen para një jurie profesionistësh dhe përfaqësues biznesi. Nëse do të jenë të suksesshëm do të mund të mbështeten prej tyre.

Ky model i Inno-Tech Camp Tirana është i përshtatur sipas modeleve  të suksesshme në Silicon Valley për startup-et.

*Për të gjithë individët/startup-et e interesuar, do të zhvillohen takime e pritje informuese në datë 12/02/2019 në ambientet e American Corner, Tiranë, prej orës 16:00 – 20:00.

Ju lutem rezervoni takimin në adresën e email: inno-tech@sipermarres.org.

Kliko Këtu për të shkarkuar formularin e aplikimit. Afati i fundit për dorëzim është data 17 Shkurt 2019.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale