Inflacioni i ulët, ekspertët rekomandojnë rritjen e pagave për të nxitur konsumin - Business Magazine Albania

Inflacioni i ulët, ekspertët rekomandojnë rritjen e pagave për të nxitur konsumin


Ekspertët i sugjerojnë qeverisë të rrisë pagat e administratës si një masë për të gjallëruar konsumin dhe nxitur rritjen ekonomike.

“Në këto kushte një rritje e pagave do të kishte efekte të menjëhershme në konsum. Pasi nëse qeveria hedh 5 apo dhjetë milionë euro paga, në tre muaj efekti i tyre do të shumëfishohej duke mbajtur në këmbë edhe bizneset e vogla si dhe duke përmirësuar perceptimin e përgjithshëm”, tha Zef Preci, Qendra Shqiptare për Kërkime Ekonomike.

Në vitin 2014, pagat reale në shtet shënuan sipas INSTAT rritjen më të ulët në 15 vjet me vetëm 0.1 për qind.

“Sikur të përdorte vetëm paratë e kursyera nga rënia e interesave të borxhit, qeveria do të financonte plotësisht një rritje të përgjithshme të pagave duke nxitur konsumin”, tha Artan Hoxha, Instituti për Studime Bashkëkohore.

“Dhe unë kam bindjen që nëse rritja e pagave në shtet do të ndodhё, atëherë ajo do të ndiqet edhe nga sektori privat duke përmirësuar sigurimet”, tha Preçi.

Por për Hoxhën, rritja e pagave do të duhej të shoqërohej edhe më një sërë masash të tjera për të forcuar besimin në ekonomi.

“Dhe shpresa nga qeveria vjen përkundrejt politikave të mençura të nxitjes së prodhimit, të investimeve, të lehtësimit të barrës absurde administrative dhe kërcënimit të aksioneve fiskale të pakuptimta mbi biznesin”, thotë Hoxha.

Në prill inflacioni vjetor qëndroi për të tretin muaj me radhë afër zeros, një situatë që sipas ekspertëve pasqyron konsumin e plogësht dhe hezitimin e qytetarëve për të shpenzuar.

 

/Top-Channel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0