Çdo ditë ne përballemi me zgjedhje se si të shpenzojmë paratë, duke u bazuar nga kërkesat dhe nevojat. Ndërsa, kur bëhet fjalë për të dhuruar para për një kauzë apo arsye tjetër, vjen një tjetër vendim.
Kërkuesit sugjerojnë se të shpenzosh para tek të tjerët mund të përmirësojë dhe sjellë lumturinë tek njeriu, ashtu sikurse studime të fundit tregojnë se mund të sjellë edhe shëndet fizik më të mirë, shkruan Forumi Ekonomik Botëror.Bazuar në Indeksin Botëror të të Dhuruarit 2015, studim i Fondacioni Britanik të Ndihmës dhe të Bamirësisë, Shqipëria gjendet në vendin e 83, nga 130 ekonomi botërore.Ky indeks njihet në të gjithë botën si një studim matës dhe krahasues të bujarisë për shumë shtete. Ai mat tre anë të bujarisë: të japësh para, të japësh kohë dhe të ndihmosh një të huaj.
Në renditjen botërore, Mianmari kryeson listën, i ndjekur nga SHBA dhe Zelanda e Re. I fundit në listë është Libani.Në renditjen rajonale, Shqipëria i ka kaluar shtetet fqinje, duke u renditur e para më bujare, teksa e ndjek Maqedonia e 86-ta, Bosnja dhe Hercegovina e 88-ta, Mali I Zi 98, Kosova e 116-ta dhe më pak “bujar”, Serbia e 118, e gjendur gjithashtu në 10 vendet e fundit në studim.Sa i përket nën faktorëve të studiuar për këtë indeks, Shqipëria zë vendin e 59 në botë për të ndihmuar të huajt, e 77 për të dhuruar para dhe me performancën më të keqe, e 122 për kohë të shpenzuar në punë vullnetare.
/ACP/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
