IDEA kalon në fazën e dytë. Nis puna me planin e biznesit 

IDEA kalon në fazën e dytë. Nis puna me planin e biznesit 


Më të fokusuar, më në brendësi të biznesit. Faza e dytë e IDEA-s, po fut sipërmarrësit e rinj në koncepte më të rëndësishme për ngritjen dhe mbarëvajtjen e biznesit të tyre.

Përmes ushtrimeve dhe asistencës, 120 përfituesit e IDEA-s po shkojnë drejt konkretizimit të planit të biznesit.

Gjatë trajnimit në Tiranë 19-20 Maj 2018, të zhvilluar pranë Fakultetit Ekonomik të Tiranës Marlinde Baerenz, drejtore e CEFE International, thotë se: “Tani jemi në fazën e dytë të konkurrimit të ideve të biznesit. Në fazën e parë nisëm me 400 sipërmarrës në faza të hershme të tyre dhe kemi selektuar 120 persona për të vijuar me trajnim për zhvillimin e planit të biznesit, këshillim dhe mentorim.”

Vlerësimi i pjesëmarrësve gjatë fazës së parë, sipas Marlinde, ka marrë në konsideratë idenë e biznesit te konkurrentëve, sa inovative është ajo,  (jo aq se sa e avancuar është si ide) dhe niveli i angazhimit e pjesëmarrjes aktive. “Tashmë nuk do te jetë vetëm ideja inovative në vlerësim, por njëkohësisht dhe plani i biznesit në vetvete. Konkurrentët po punojnë, po e prekin planin e biznesit”, tha ajo për Businessmag.al.

Fokusi i dy ditëve trajnim pas fazës së përzgjedhjes, është plani i biznesit, të qenit sipërmarrës, sigurimi i produktit dhe strategjia e marketingut. “Ne do të vazhdojmë me dy sesione të tjera. Inovacioni është një nga këto dhe në fund do të kemi një sesion të tretë, ku finalizojmë planin e biznesit dhe jemi në kërkim të parave, pra financimin”, thekson Marlinde.

Enxhi Dyrmishi, konkurrente tek IDEA tregon se pati një ndjesi të mirë kur mori emailin se kishte kaluar fazën e parë dhe ishte përzgjedhur që të vijonte me konkursin Sfida IDEA. “Këtu po krijojmë network, njohje të reja dhe po u japim formë planeve të biznesit mbi idetë tona”, thotë ajo.

Vasjan Broka është një prej konkurentëve të përzgjedhur që ka kaluar fazën e parë dhe shprehet: “Sot mësuam 5 P-të e marketingut, (Vendi, Promovimi, Çmimi, Personi/at, Produkti/Shërbimi). Kjo pjesë është shumë e rëndësishme për nisjen e një biznesi. Çdo sipërmarrësi i duhen këto koncepte”, thotë ai, duke treguar se në shkollë këto jepen në një lëndë që zgjat për 4 muaj, kurse me metodën CEFE nevojiten 2 orë për t’i kuptuar dhe të jesh i aftë t’i zbatosh në përditshmërinë në biznes. Broka tregon se ka studiuar ekonomiks, por ndryshimi është që në këtë rast po mëson në mënyrë praktike.

Ai synon me biznesin e tij të lidhë studentët e IT me kompanitë e kësaj fushe përmes internship-it, dhe tregon se gjatë trajnimit ka nisur të punojë me planin e biznesit. “Përcaktuam shumë mirë prototipin e klientit, target grupin e klientit ideal. I vendosëm emër dhe karakteristikat dhe tani ndihemi më të përgatitur për treg”, thotë Vasjan Broka.

Në fund të trajnimit dy ditor të fazës së dytë, Arziko Manaj një tjetër konkurrente, tregon se, “Trajnimi për planin e biznesit ishte mjaft eficient, zhvilluam produktet tona më në detaje. Me planin e biznesit arritëm të përcaktojmë deri edhe çmimin dhe të përcaktojmë pritshmëritë për muajt e ardhshëm”. Sipas saj, kjo e bën të vetëdijshme se çfarë duhet bërë për të organizuar punën, për të ruajtur fitimet ose për t’i rritur ato.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0