ICK pranon ekipe të reja në inkubatorin e biznesit


Ndërmarrësit e rinj dhe inovatorët me ide komerciale kanë mundësinë për t’u bërë pjesë e inkubatorit në ICK dhe të përfitojnë shërbime e grante në vlerë 20,000 euro.

Me përkrahjen e ICK-së, donatorëve dhe partnerëve, ju do të mund të shndërroni një ide të shkëlqyer në biznes të suksesshëm e fitimprurës. Të filloni biznesin tuaj me përkrahje nga ICK është një përparësi e madhe për të depërtuar në tregun e Kosovës dhe atë ndërkombëtar.

Startup-et që do të fitojnë të drejtën për t’u bërë pjesë e inkubatorit, do të përfitojnë edhe shumë shërbime të tjera si:

● Hapësirë prej 2,500 m² në qendër të Prishtinës
● Deri në 5,000 euro grante fillestare për idetë/ekipet e përzgjedhura
● Konsulencë, mentorim dhe promovim të vazhdueshëm
● Qasje në rrjete të investitorëve vendorë e ndërkombëtarë
● Pjesëmarrje në konferenca vendore & ndërkombëtare, panaire dhe B2B
● Zyrë moderne me infrastrukturën përkatëse dhe akses 24/7
● Trajnime & workshop-e profesionale (startup bootcamp) për bizneset startup – zhvillim dhe planifikim të biznesit
● Shërbime nga Amazon Web Service në vlerë 5,000 dollarë
● Shërbime nga Microsoft BizSpark
● Shërbime nga Sendgrid
● Qasje në hapësirat e përbashkëta në ICK
● Lidhje punëdhënës – punëkërkues
● Qasje në rrjetin e investitorëve ëngjëj (Angel Club)

Personat që kanë ide për startup në fushën e TIK, ftohen që të aplikojnë online deri më 10 Tetor 2019. Thirrja është e hapur edhe për kompanitë e regjistruara, por jo më të vjetra se dy vjet. Pjesë e kësaj thirrje është edhe programi FALAS pesë-ditor “Founder’s Bootcamp” për ndërmarrësit e rinj në fushën e biznesit, zhvillimit të produktit/shërbimit, prezantimit, komunikimit, gjuhës së trupit, Business Model Canvas dhe “Lean Menaxhment”.

Qëllimi i ICK-së është që të përzgjedhë idetë e biznesit, të cilat janë inovative dhe konkurruese me tendenca të rritjes dhe shndërrimit në biznese të suksesshme.

Për më shumë informacion dhe për të aplikuar online, klikoni www.ickosovo.com.

Thirrja e 20-të për ide biznesi mbështetet nga Ambasada e Suedisë, Ministria e Inovacionit dhe Ndërmarrësisë, Ambasada e Norvegjisë, GIZ Kosova, Zyra e BE-së në Kosovë dhe European Fund for Southeast Europe (EFSE).

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale