Huawei prezanton zgjidhjen afatgjatë “5G Microwave” që nxit përhapjen e 5G

Huawei

Ndërsa shpërndarja e rrjetit 5G rritet, edhe rrjetet e saj po vendosen në një numër në rritje zonash. Gjatë Forumit “Global Mobile Broadband” për vitin 2020, Huawei zbuloi zgjidhjen novatore afatgjatë “5G microwave” me E-band që kombinon antenën inteligjente të gjurmimit të rrezeve (IBT) me E-band me fuqi të lartë. Ky kombinim rrit distancën e transmetimit nga 3 deri në 5 km dhe siguron një kapacitet 20 Gb/s. Po ashtu, nëpërmjet kësaj zgjidhje lehtësohen kërkesat e vendosjes së stacionit, duke përshpejtuar përhapjen e 5G.

E-band luan një rol shumë të rëndësishëm në transmetimin me mikrovalë të 5G. Banda qëndron në intervalin e radiofrekuencave 80 GHz dhe siguron një gjerësi deri 20 Gb/s. Spektri me frekuencë të lartë kërkon kënde të vogla rrezesh dhe qëndrueshmëri më të lartë për të vendosur antena me diametër më të madh. Si rrjedhojë, për të vendosur E-band përdoren kryesisht antenat me një diametër 0.3 metra. Sidoqoftë, distanca e transmetimit është shumë e shkurtër për të mbështetur përhapjen e shkallëzuar të 5G.

Antena IBT, e përdour për ndjekjen e rrezeve inteligjente, është antena e parë me mikrovalë aktive në industrinë e ICT. Ajo përdor algoritme inteligjente për të ruajtur stabilitetin e rrezeve, duke zvogëluar ndjeshëm kërkesat e vendosjes së E-band mbi stabilitetin e stacionit. Kjo mundëson vendosjen e antenave me E-band me një diametër më të madh, me përmasa 0,6 dhe 0,9 metra.

Përveç kësaj, kjo risi lejon që fuqia e transmetimit të rritet me 6 dB për sinjalet e bandës E. Me këto dy përmirësime, distanca e transmetimit rritet më shumë se 50%, duke arritur 5 km, ndërsa siguron një kapacitet prej 20 Gb/s. Ky nivel performance përmbush plotësisht kërkesat e shpërndarjes në zonat urbane.

Lexo: Huawei prezanton smartfonin e tij të parë me 8GB RAM

Kur flasim për stacionet grumbulluese, vërejmë se po kërkojnë gjithnjë e më shumë transportues që sigurojnë disa burime spektri, pasi numri i drejtimeve rritet vazhdimisht. Në këtë rast ajo që u vjen në ndihmë eshtë zgjidhja SuperHUB pasi përmirëson ndjeshëm efikasitetin spektral me 2 deri në 3 herë. Përveç përmirësimit të efikasitetit spektral, kjo u mundëson transportuesve të rrisin dendësinë e shpërndarjes me kosto të reduktuara.

“5G Microwave” nga Huawei do të vazhdojë përmirësimin duke rritur distancën e transmetimit, efikasitetin spektral dhe zhvillimin e stacionit për të lehtësuar përhapjen e 5G. Huawei është e angazhuar të ofrojë zgjidhje të thjeshta e të lehta për tu vendosur në mënyrë që vendosja e rrjeteve 5G në të gjithë botën të përshpejtohet.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale