Huawei inkurajon evolucionin e rrjetit që mundëson zhvillimin e gjelbër - Business Magazine Albania

Huawei inkurajon evolucionin e rrjetit që mundëson zhvillimin e gjelbër

Në fillim të nëntorit në Sharm El-Sheikh, Egjipt, u prezantua Metrika e Energjisë së Intensitetit të Karbonit të Rrjetit (NCIe), për të vlerësuar efikasitetin e energjisë në rrjet.   

Një nga drejtuesit e Huawei bëri me dije se teknologjitë e informacionit dhe komunikimit do të mundësojnë dixhitalizimin e industrisë, do të nxisin novacionin dhe do t’i bëjnë industritë e tjera të gjelbra.

Këto komente u bënë gjatë sesionit të organizuar nga Qendra Globale e Novacionit (UGIH) të Konventës së Kombeve të Bashkuara për Ndryshimet Klimatike (UNFCCC), në Konferencën e 27-të, në Sharm El-Sheikh të Egjiptit.

Duke iu referuar asaj që njihet si “efekti i mundësisë”, Philippe Wang, Zëvendës Presidenti Ekzekutiv i Huawei për rajonin e Afrikës Veriore, tha se TIK “po i bën më të gjelbra industritë e tjera”.

“5G, Inteligjenca Artificiale, Analiza e të dhënave, Cloud Computing – të gjitha këto gjëra do të përmirësojnë proceset industriale në mënyrë që të reduktohet përdorimi i energjisë dhe të ulen emetimet e karbonit”, tha ai.

Sipas Philippe Wang, në të njëjtën mënyrë që ICT mundëson që një dritë rruge inteligjente të fiket kur nuk është askush përreth, stacionet bazë me valë 5G mund të mbyllen automatikisht kur nuk ka trafik të dhënash, gjë që kursen energji.

Stacionet bazë kanë antena dhe kanë nevojë për një burim energjie. Huawei, në Nigeri dhe Angola, ka zëvendësuar gjeneratorët me naftë me panele diellore, të cilat ofrojnë një burim më të pastër të energjisë elektrike. Në të njëjtën kohë, kompania ka prezantuar një antenë të gjelbër 5G që mbulon një sipërfaqe deri në 500 metra katrorë duke përdorur gjysmën e fuqisë së transmetimit. Kjo ul konsumin e energjisë me 30 përqind.

Gjithashtu duke folur gjatë seancës, Luis Neves, CEO, Global Enabling Sustainability Initiative (GeSI), theksoi se dixhitalizimi duhet të jetë në thelb të bisedës për klimën.

“Nëse bashkojmë një mentalitet të qëndrueshmërisë së bashku me pjesën dixhitale, mendoj se ne mund të krijojmë një makinë të fuqishme për të drejtuar agjendën e qëndrueshmërisë dhe për të përshpejtuar rrugën për një botë ku 10 miliardë njerëz mund të jetojnë një jetë të shëndetshme. Bizneset duhet të marrin në konsideratë gjurmët e emetimit të karbonit që lenë pas” tha ai.

Për këtë qëllim, anëtarët e ITU-T, përfshirë Huawei, kanë propozuar një standard për matjen e përdorimit të energjisë në rrjet. I njohur si metrika e energjisë së intensitetit të karbonit të rrjetit, standardi u miratua nga ITU-T më 19 tetor si Rekomandimi ITU-T L.1333.

Sipas Nompilo Morafo, Kryeshefi i Qëndrueshmërisë dhe Çështjeve të Korporatave të Grupit MTN, “veprimi i qëndrueshëm dhe i matshëm” është çelësi për arritjen e objektivave neto zero. “Në këtë rrugëtim, përdorimi i teknologjive dixhitale ofron potencial të veçantë për të rritur gjenerimin dhe efikasitetin e energjisë së gjelbër në të gjitha industritë”, shtoi ai.

Sesioni i UNFCCC UGIH, i titulluar ICT for Green, trajtoi mënyrat në të cilat teknologjia transformuese TIK mund të përdoret për të mundësuar zhvillimin e gjelbër të një game të gjerë industrish, duke ia lehtësuar botës rrugën drejt emetimeve neto zero.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0