Hong Kong kryeson listën e qyteteve më të shtrenjta në botë

Hong Kong kryeson listën e qyteteve më të shtrenjta në botë

Hong Kong

Hong Kongu është qyteti më i shtrenjtë në botë për të huajt, sipas një studimi të kompanisë amerikane Mercer.

Gjashtë nga 10 qytetet më të shtrenjta për të huajt janë në Azi. Hong Kong e merr titullin si qyteti më i shtrenjtë në botë, për të dytin vit radhazi, pavarësisht se u trondit nga protestat për disa muaj. Hong Kongu zë vendin e pare, kryesisht për shkak të çmimeve të larta të banesave.

Pas tij vjen kryeqyteti i Turkmenistanit, Ashgabati. Çmimet e larta në Ashgabat thuhet se janë pasojë e inflacionit të lartë në Turkmenistan.

I treti në listën e Mercerit është kryeqyteti i Japonisë, Tokio.

Studimi mat koston e 200 gjërave – përfshirë strehimin, transportin, ushqimin, veshjet, sendet shtëpiake dhe argëtimin – në 209 qytete.

Gjashtë qytete aziatike u renditën në mesin e 10 qyteteve më të shtrenjtave për të haujt në studimin e 26-të të kostos vjetore të Mercer-it.

Singapori dhe New York u rradhitën në vendin e pestë dhe të gjashtë. Tre qytete zvicerane, zyrihu, Berni dhe Gjeneva u renditën përkatësisht në vent të katërt, të tetë dhe të nëntë. Shanghai dhe Pekini i Kinës u renditën në vend të shtatë dhe të dhjetë në listën e qyteteve më të shtrenjta.

Lexoni: Ky është shteti më i mirë në botë për të rritur fëmijët tuaj

Sondazhi zbuloi se qyteti më i shtrenjtë në Afrikë ishte Ndjamena (në vend të 15) në Çad, një vend përpara San Franciskos. Kryeqyteti i Nigerisë Lagos u rendit në vendin e 17-të, vetëm një vend përpara kryeqytetit britanik, Londrës.

Tel Aviv u rendit qyteti më i shtrenjtë në Lindjen e Mesme në vendin e 12, i ndjekur nga Dubai në vend të 23-të. Sipas studimit, qytetet më pak të shtrenjta ishin Tunis dhe Ëindhoek.

Studimi i Mercer-it është krijuar për të ndihmuar kompanitë të vendosin se sa duhet të paguajnë punonjësit e tyre jashtë shtetit. Sondazhi gjurmon koston e jetesës për të huajt. Renditja e këtij viti forcon trendin se qytetet aziatike dhe afrikane po bëhen më të shtrenjta për të huajt.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0