Hapet Dhoma Shqiptare e Tregtisë në Milano - Business Magazine Albania

Hapet Dhoma Shqiptare e Tregtisë në Milano


Është hapur së fundi në Milano të Italisë Dhoma e Tregtisë dhe Industrisë Shqiptare.
Krijimi i Dhomës është rezultat i punës dhe përpjekjeve mbi një vjeçare të një grupi nismëtar: investitorë të suksesshëm, përfaqësues të spikatur të fushave të  ekonomisë dhe financës, mjekësisë, diplomacisë  etj, që bashkuan forcat për arritjen e këtij momenti të pritur nga komuniteti i biznesit dhe nga individë të tjerë.

Burime zyrtare nga Dhoma e Tregtisë dhe Industrisë Tiranë, thonë se kjo iniciativë lindi si rezultat i nevojës për të promovuar dhe mbështetur biznesin dhe investimet shqiptare në territorin italian si dhe biznesin dhe investimet italiane në territorin shqiptar. “Me kënaqësi konstatojmë se ndërmjet dy vendeve tona rritet çdo ditë bashkëpunimi ndërmjet bizneseve. Po ashtu, konstatojmë me optimizëm edhe shtimin e investimeve reciproke të firmave italiane në Shqipëri ashtu si dhe të atyre shqiptare në Itali”, thanë përfaqësuesit e Dhomës.

Nga informacionet mes kompanive del se ka shumë interes dhe nevojë për bashkëpunim, që inspirohet edhe nga dëshira e natyrshme për bashkëpunim ndërmjet dy popujve tanë.

Fluksi në rritje i bashkëpunimeve italo-shqiptare ka nevojë të orientohet drejt, të promovohet dhe të mbështetet në mënyrë institucionale nga një institucion i besueshëm dhe i aftë për të kryer këte rol të rëndësishëm për komunitetet e bizneseve italiane dhe shqiptare.

Dhoma pritet të angazhohet për të mbrojtur interesat e anëtarëve të saj dhe do të japë kontribut konkret në  përmirësimin e klimës së biznesit dhe rritjes së nivelit të investimeve reciproke.

Në themelimin e Dhomës morën pjesë përfaqësues të biznesit si Ylli Ujka dhe kryetari i Dhomës së Tregtisë së Tiranës Nikolin Jaka. Në takim mori pjesë edhe Gianbattista Armeloni, pesidenti i Enaip Lombardia dhe Pandeli Majko, Ministër për Diasporën Shqiptare.

Presidentja e Dhomës është Luljeta Cobani dhe zëvendës president Cesk Ivanaj.

 

 

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0