Statistikat janë bazë për vlerësimin e ekonomisë së vendit, por edhe planifikimin për të ardhmen. Banka e Shqipërisë dhe Banka Qendrore Europiane organizuan në Tiranë një seminarin rajonal në fushën e statistikave .
Gent Sejko, Guvernator i Bankës së Shqipërisë, tha se kriza financiare ka rritur presionin për të siguruar statistika më cilësore dhe të besueshme. “Një zhvillim i shpejtë i tregjeve financiare kërkon që statistikat të ecin me të njëjtin hap”, theksoi ai gjatë takimit.
“Analizat e bankave qendrore po mbështeten gjithnjë e më shumë te modelet komplekse, të cilat mundësojnë analizën e njëkohshme të ekonomisë reale, tregjeve financiare dhe ndërlidhjeve me partnerët e huaj” tha Guvernatori.
Për këtë arsye, cilësia dhe besueshmëria e informacionit statistikor ka rëndësi të veçantë.
Prej një viti, Shqipëria zbaton Sistemin e Përmirësuar të Shpërndarjes së të Dhënave të Përgjithshme të FMN-së dhe është angazhuar në përmbushjen e disa kërkesave të rrepta për prodhimin, shpërndarjen dhe dokumentimin e të dhënave statistikore. Proces, që vlerësohet të ketë përmiruar e pasuruar statistikat e INSTAT, Bankës së Shqipërisë dhe Ministrisë së Financave.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.