Guvernatori Sejko në konferencën “Normalja e re, sfidat dhe oportunitetet” në UET - Business Magazine Albania

Guvernatori Sejko në konferencën “Normalja e re, sfidat dhe oportunitetet” në UET

Guvernatori i Bankës së Shqipërisë, z. Gent Sejko, mori pjesë në konferencën “Normalja e re, sfidat dhe oportunitetet” të organizuar nga Universiteti Europian i Tiranës. Në këtë konferencë merrnin pjesë profesorë, përfaqësues të botës akademike dhe studentë.

Në fjalën e mbajtur, Guvernatori Sejko u ndal në ndikimin e pandemisë COVID-19 në ekonominë shqiptare dhe masat e marra për minimizimin e efekteve të saj. Më tej, u fokusua në diskutimin akademik mbi “normalen e re”, dhe në përfundim nënvizoi rolin që ka fleksibiliteti institucional për ndryshim, si instrument për adoptimin e praktikave më të mira në politikëbërje.

Lidhur me ndikimin e pandemisë në ekonominë shqiptare, Guvernatori u shpreh se rritja e pasigurisë dhe kufizimi i detyruar i lëvizjes së mallrave, shërbimeve dhe njerëzve, rezultoi në një kontraktim të ekonomisë gjatë vitit 2020. Përtej kësaj, pandemia u shoqërua me probleme ekonomike në nivel makro dhe mikro, por njëkohësisht testoi qëndrueshmërinë e fondamenteve të ekonomisë dhe shoqërisë shqiptare.

Guvernatori theksoi se në përgjigje të kësaj situate, reagimi i autoriteteve publike në vend ishte i shpejtë dhe i paprecedentë. Banka e Shqipërisë ndërhyri me një paketë masash monetare e financiare. Këto masa synonin jo vetëm kufizimin e ndikimit afatshkurtër të pandemisë, por dhe ruajtjen e kapaciteteve prodhuese dhe të stabilitetit ekonomik e financiar të vendit – dy parakushte të domosdoshme këto për rritjen e shpejtë, të qëndrueshme dhe afatgjatë të vendit. Në vijim, Guvernatori Sejko u shpreh se e rëndësishme mbetet të nënvizohet fakti se masat stimuluese të ndërmarra nga Banka e Shqipërisë u bashkërenduan me një stimul të shtuar fiskal.

Sipas Sekjos, politikat stimuluese të ndërmarra kanë ndihmuar në zvogëlimin e rrezikut në afat të shkurtër, por nuk mund të adresojnë ndryshime strukturore, si rrjedhojë një “normale e re” pritet të udhëheqë nevojën për adaptim të sektorit privat dhe një rikonceptim të paradigmave të qeverisjes institucionale.

Lexo: Sejko: BSH optimiste. Nuk ka nevojë për stimuj të tjerë financiarë

Në lidhje me fleksibilitetin institucional për adoptimin me “normalen e re”, Guvernatori theksoi se Banka e Shqipërisë ka treguar se është një institucion që adaptohet dhe ndryshon me hapin e kohës. Ai shtoi se, në mënyrë që të adoptohen eksperiencat më të mira ndërkombëtare që i rezistojnë kohës, ka qenë gjithnjë i rëndësishëm evoluimi gradual e i mirëmenduar. Guvernatori shtoi se këto tipare zhvillimi ofrojnë garancitë e duhura për përballjen me sfidat e “normales së re”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0