Guvernatori Sejko merr kryesimin e Bordit Drejtues të Center of Excellence in Finance Lubjanë - Business Magazine Albania

Guvernatori Sejko merr kryesimin e Bordit Drejtues të Center of Excellence in Finance Lubjanë

Guvernatori Sejko

Në datën 8 qershor 2022, Guvernatori i Bankës së Shqipërisë, z. Gent Sejko, mori pjesë në Mbledhjen Vjetore të Bordit Drejtues të Qendrës së Ekselencës Financiare (CEF) të zhvilluar në Lubjanë, Slloveni.

Pjesëmarrja e Guvernatorit Sejko në këtë mbledhje, kishte një rëndësi të veçantë këtë vit, pasi Shqipëria mori nga Sllovenia kryesimin e Bordit Drejtues të CEF-it. Guvernatori i Bankës së Shqipërisë, z. Gent Sejko, do të jetë Kryetari i Bordit Drejtues të CEF-it për periudhën 2022-2023.

Qendra e Ekselencës në Financë (CEF) është një organizatë ndërkombëtare me seli në Lubjanë, Slloveni, e cila shërben si qendër për përcjelljen e njohurive për rajonin tonë. CEF-i është një institucion i krijuar në janar të vitit 2001, nga qeveria sllovene me iniciativën e Ministrisë së Financave të Sllovenisë dhe në bashkëpunim të ngushtë me ministritë e financave të vendeve të tjera të Evropës Juglindore.

Misioni i CEF-it është promovimi i njohurive për standardet ndërkombëtare dhe praktikat më të mira në menaxhimin e financave publike dhe bankingut qendror, duke ofruar trajnime të specializuara, duke inkurajuar shkëmbimin e eksperiencave dhe punëve kërkimore, si edhe duke ofruar asistencë teknike për vendet si: Bosnje-Hercegovina, Bullgaria, Kroacia, Kosova, Maqedonia e Veriut, Moldavia, Mali i Zi, Rumania, Serbia, Sllovenia, Shqipëria dhe Turqia.

Bordi Drejtues i CEF-it është organi më i lartë vendimmarrës dhe anëtarët e këtij bordi janë ministrat e financave dhe guvernatorët e bankave qendrore të vendeve anëtare.

Gjatë mbledhjes së Bordit në të cilën mori kryesimin, Guvernatori Sejko shprehu mirënjohjen, angazhimin për drejtimin me përkushtim dhe transparencë të veprimtarisë së bordit, si dhe gatishmërinë për përmbushjen me sukses të të gjitha detyrimeve që rrjedhin nga ky kryesim.

Guvernatori Sejko shtoi se arritjet e deritanishme, sfidat me të cilat përballemi aktualisht, si dhe pasiguritë që lidhen me pandeminë dhe konfliktin në Ukrainë, shfaqin në horizont mjaft paqartësi, fakt ky që imponon nevojën për një monitorim të vazhdueshëm dhe një proces të kujdesshëm vendimmarrjeje të këtij Bordi. Ai theksoi se përgjegjësia në përmbushjen e këtij misioni rritet më shumë nga fakti se Shqipëria është një nga vendet themeluese të CEF-it, ndërkohë që Banka e Shqipërisë ka qenë një nga partnerët aktivë përgjatë dy dekadave të veprimtarisë së CEF-it.

“Gjatë mandatit tim si drejtues, do të bëj çmos që misioni i CEF-it si burim zhvillimi i aftësive për Evropën Juglindore, të perfeksionohet më tej me praktika të reja bashkëkohore, interaktive dhe inovative.” – përfundoi Guvernatori.

Gjatë qëndrimit të  tij në Lubjanë, Guvernatori Sejko mori pjesë edhe në forumin e organizuar nga CEF-i, me temë “Institucione të forta në përmbushje të mandateve të tyre”.

unimet e forumit trajtuan menaxhimin sistematik të njohurive dhe rritjen e kapaciteteve institucionale, me qëllim transformimin e tyre në organizata aktive edukimi dhe përafrimin e standardeve të tyre me ato të Bashkimit Evropian. Duke iu drejtuar pjesëmarrësve në këtë aktivitet, Guvernatori theksoi rëndësinë që ka të investuarit në këtë drejtim nga ana e institucioneve publike. Në këtë kontekst, peshë të rëndësishme zë fokusi te kapitali njerëzor i institucionit, më tej përqendrimi në menaxhimin e njohurive institucionale, si dhe një shtyllë e tretë duket të jetë transformimi i institucioneve publike në organizata mësimore, ku punonjësit me një frymë kolektive rinovojnë të menduarit dhe kapacitetet e tyre.

Guvernatori shtoi se CEF-i vazhdon të jetë një partner, i cili mbështet dhe ofron një platformë për të punuar dhe për të transformuar shoqëritë tona përmes njohurive. Me përmirësimin e vazhdueshëm të institucioneve tona, ne mund të kontribuojmë në krijimin e shoqërive të suksesshme dhe gjithëpërfshirëse në rajonin tonë.

Së fundmi, Guvernatori falënderoi CEF-in, si dhe shprehu bindjen se Shqipëria dhe veçanërisht Banka e Shqipërisë do të vijojnë të thellojnë më tej lidhjet me këtë institucion dhe njëherazi të përfitojnë nga mundësitë që ofron ky bashkëpunim.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0