Grupi Balfin dhe Kastrati janë tashmë pronarët e rinj të Shoqërisë INSIG-Jeta, kompanisë më të re të sigurimeve në  Shqipëri - Business Magazine Albania

Grupi Balfin dhe Kastrati janë tashmë pronarët e rinj të Shoqërisë INSIG-Jeta, kompanisë më të re të sigurimeve në  Shqipëri


Grupi Balfin dhe Kastrati kanë finalizuar me sukses marrjen në pronësi të pjesës më të madhe të aksioneve të shoqërisë INSIG-Jeta (Sigurimi i Jetës) duke u bërë kështu pronarët maxhoritarë të kësaj shoqërie.  

Grupi Balfin, është Grupi më i madh dhe inovator i investimeve në Shqipëri me një portofol shumë të diversifikuar dhe të suksesshëm të investimeve, me një prezencë të investimeve dhe aktivitetit të tij në mbi 10 vende të rajonit dhe më gjerë.

Biznesmeni Shefqet Kastrati, president i Kastrati Group njihet për eksperiencën që ka në fushën e sigurimeve si zotëruesi i kompanisë Albsig, një kompani e sukesshme në këtë fushë e cila e ushtron aktivitetin e saj që nga viti 2004 me shtrirje në Shqipëri dhe Maqedoni.

Përfshirja e këtyrë dy grupeve të fuqishme garanton një mbështetje të sigurtë për INSIG-Jeta si në zhvillimin e tregut ashtu dhe në aftësitë paguese të kësaj kompanie.

Kompania INSIG – Jeta ka ndjekur me kujdes nevojat e tregut për shërbime sigurimi dhe do të vijojë të ofrojë të gjithë paketën e shërbimeve që mbulohen aktualisht ku përfshihen: sigurimi i jetës, i shëndetit, sigurimi në rast aksidentesh personale, sigurimi jetës dhe shëndetit në udhëtim, sigurimi i kombinuar i jetës etj, duke ruajtur shërbimin e shpejtë, korrekt dhe profesional për një klientelë maksimalisht të kënaqur.

Kjo sipërmarrje e përbashkët do të garantojë mbështetjen për ritme të reja zhvillimi të kompanisë INSIG-Jeta përmes një strategjie ambicioze për tu rritur në tregun e sigurimeve duke aplikuar konceptet më bashkohore të menaxhimit dhe shërbimit ndaj klientëve, teknologjisë së informacionit, zgjerimin e  gamës së shërbimeve me metoda dhe paketa të reja dhe përmirësim të mëtejshëm të cilësisë së shërbimeve për klientët e kompanisë. Për të qenë sa më pranë klienteve, INSIG-Jeta siguron klientët e saj që do të zhvillojë produkte sipas kërkesës së klientëve ose duke ofruar atë që njihet si “tailor made insurance policy”. Gjithashtu INSIG-Jeta do te skalisë imazhin e cilësisë  si në tregun vendas dhe atë ndërkombëtar duke synuar që të bëhet zgjedhja e parë e çdo klienti.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0