Konfindustria ka shprehur shqetësimin e saj për numrin e lartë dhe në rritje të akteve kriminale të grabitjeve ndaj bankave në vend. “Fenomeni i shtimit të dukshëm të grabitjes së bankave bëhet edhe më shqetesues, nëse vleresohen edhe investimet e ulëta për standardet e sigurisë nga sektori bankar, sikurse treguan qartë rastet e fundit”, bën të ditur Konfindustria.
Ajo vlerëson, se shtimi i dukshëm i rasteve të grabitjeve të bankave përveç dëmit financiar dhe garancisë për depozitat e qytetarëve shqiptarë, njëkohësisht është goditje e pastër në sigurinë e të bërit biznes në përgjithësi në vend me pasoja dëmesh të mëdha ekonomike.
“Nëse vlerësojmë se nga grabitjet në shtim të bankave, duke filluar me thesarin e Bankës së Shqipërisë, kemi prekje të drejtëpërdrejtë të fuqisë konkurruese të Shqipërisë në tërheqjen e investimeve të huaja edhe kështu në nivel mjaft të ulët. Konfindustria i ka kërkuar Bankës së Shqipërisë të marrë masa për rritjen e kontrolleve të nevojshme për standardet e sigurisë së parave të shqiptarëve, si detyra parësore e saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
