Google me sisteme të reja: Smartphone-t, edhe detektorë tërmetesh

Google sapo ka nisur aplikimin e një sistemi paralajmërimi të tërmetit në Kaliforni, i cili do të lejonte që telefonat inteligjentë me sistemin operativ Android të përdoren si detektorë të aktivitetit të mundshëm sizmik. Sistemi i ri, i quajtur “ShakeAlert”, krijuar në bashkëpunim me Shërbimin Gjeologjik të SHBA-së, përdor sinjale nga qindra sizmometra nga e gjithë shteti, të cilat aktivizohen dhe dërgojnë njoftime për përdoruesit përmes telefonave inteligjentë Android.

“Tashmë jemi siguruar që me përdorimin e Android-it, përdoruesit të marrin informacion në kohë dhe të dobishëm për aktivitetin sizmik gjatë një kërkimi, si dhe informacione se si dhe ku të strehohen në rast nevoje,” shkroi inxhinieri kryesor i Softuerit, Marc Stogaitis në blogun Post.

Pajisur me një përshpejtues të vogël

Stogaitis fton të gjithë ata që posedojnë smartphone me sistemin operativ Android të Google që të përfitojnë nga mundësia e zbulimit të tërmetit. Telefonat inteligjentë zakonisht janë të pajisur me një akselerometër të vogël që regjistron lëvizjen, kështu që ata gjithashtu arrijnë të regjistrojnë dridhje tokësore të shkaktuara nga tërmetet, thotë Stogaitis.

Ai shton se kjo do të thotë që telefoni celular Android gjithashtu mund të bëhet një minisizmometër dhe, falë miliona përdoruesve të tij në botë, rrjeti më i madh global për zbulimin e tërmetit mund të krijohet në të ardhmen e parashikueshme. Telefonat Android që zbulojnë dridhjet që tregojnë aktivitetin sizmik janë në gjendje të dërgojnë automatikisht një sinjal në qendrën e të dhënave, ku kompjuterët shpejt përpunojnë të gjitha të dhënat përkatëse dhe kështu përcaktojnë nëse bëhet fjalë për një tërmet.

Sistemet e paralajmërimit janë duke u prezantuar në Kaliforni

“Ne në fakt po përpiqemi të garojmë me shpejtësinë e dritës, që është përafërsisht shpejtësia me të cilën sinjalet e inteligjencës udhëtojnë në lidhje me shpejtësinë e një tërmeti. Për fat të mirë, shpejtësia e dritës është shumë më e lartë,” thotë Stogaitis.

Sistemet e paralajmërimit të tërmetit janë duke u futur në Kaliforni sepse ky shtet amerikan ka një rrjet shumë të zhvilluar të sizmometrave. Ky sistem pritet të shtrihet në vende të tjera vitin e ardhshëm, pasi të vendoset një rrjet telefonik atje për të mundësuar zbulimin e tërmetit.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale