Google së bashku me pesë kompani Aziatike telekomunikacioni kanë filluar të shfryëzojnë një kabëll optik nënujor i cili lidh Japonin me shtetin e Oregonit në SHBA.
Me një kapacitet prej 60 Terabajt, “ky është kablli optik nënujor me kapacitetin më të lartë ndërtuar ndonjëherë,” dhe Google do të ketë qasje në 10 Terbajt, njoftoi gjigandi i motorit të kërkimit.
“Do ta shfrytëzojmë për të mbështetur përdoruesit tanë të Google Apps dhe Platformës Cloud,”shkruante njoftimi.
NEC është furnizuesi i cili ndërtoi kabllin 300 milion dollarësh për Google, Chine Mobile, China Telecom, Global Transit, KDDI dhe Singtel. Nuk do të vijojë edhe për shumë kohë të jetë kablli nënujor me kapacitetin më të lartë sespe Microsoft dhe Facebook prezantuan para pak ditësh projektin e tyre të ndërtimit të një kablli nënujor me kapacitet 160 Terabajt dhe do të lidhe brigjet e Europës me atë të SHBA-ve në Tetor të 2017-tës.
Gjigandi i motorit të kërkimit Google, i vetëm do të ketë qasje në një çift fibrash, një për dërgimin dhe një për marrje. Secila prej fijeve numëron 100 gjatësi vale ku secila prej tyre ofron një kapacitet 100 Gbps. Ky është kablli i katër optik nënujor ku Google ka pronësi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
