Gjermania urdhëron Facebook të ndryshojë mënyrën se si i mbledh të dhënat


Gjermania po kërkon të ndryshojë rolin dominant të Facebook në mbledhjen e të dhënave të përdoruesve të tij.

Facebook po abuzon me monopolin e tij virtual në rrjetet sociale duke kombinuar të dhënat nga Instagram, WhatsApp dhe websitet e palëve të treta.

Këto të dhëna përdoren nga Facebook për të krijuar profile unike për çdo përdorues për të patur më shumë fuqi në treg.

Zyra Federale e Kartelave në Gjermani ka urdhëruar Facebook të sjellë propozime të tjera për çështjen. Nëse nuk bashkëpunon, rregullatori mund të vendos gjoba deri në 10% të fitimit vjetor të kompanisë, e thënë ndryshe 5.5miliardë dollarë.

“Ne po kryejmë atë që mund të shihet si një shpërndarje e brendshme e të dhënave të Facebook,” tha Andreas Mundt, president i zyrës antitrust. “Facebook nuk do t’i forcojë më përodruesit e tij të bien dakord me koleksionin e pakufizuar dhe firmosjen e të dhënave që nuk i përkasin Facebook nga llogaritë e tyre.”

Facebook nuk ka rënë dakord me vendimin dhe planifikon të apelojë kundër tij.

“Zyra nënvlerëson konkurrencën e ashpër me të cilën ne përballemi në Gjermani, keqinterpreton ndërveprimin tonë me rregullat europiane dhe minon mekanizmat ligjore europiane që sigurojnë standardet e njëjta të mbrojtjes së të dhënave në të gjithë BE”, tha Facebook në një postim në blog.

Facebook gjithashtu akuzoi Zyrën Federale të Kartelave për të “zbatuar një standard jokonvencional për një kompani të vetme.”

Rregullatorët po fillojnë jo vetëm të tregojnë dhëmbët, por edhe të kafshojnë,” tha Paul Bernal, lektor në fushën e medias në Universitetin e Anglisë Lindore.

“Shumë njerëz e kanë kuptuar se lejimi i Facebook për të ndërtuar perandorinë e tij nëpërmjet blerjeve, sidomos të WhatsApp dhe Instagram, nuk ka qenë një gjë e mirë dhe se diçka duhet bërë për të”, tha ai.

/CNN

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale