Gjermania nuk e lë veten në dorën e rastësisë. Autoritetet shëndetësore atje kanë organizuar tre koncerte popi me qëllimin e vetëm për të mundësuar shkencëtarët të hetojnë rreziqet e ngjarjeve të tilla masive gjatë pandemisë. Rreth 4,000 vullnetarë të shëndetshëm nga 18 deri 50 vjeç u nxitën të regjistroheshin për studimin e së shtunës në Leipzig, të kryer nga Universiteti Halle. Kantautori Tim Bendzko pranoi të përformojë në të treja koncertet e njëpasnjëshme.
Studimi do të quhet Restart-19 dhe do të hetojë se si duhet të organizohen këto evente pavarësisht pandemisë. Shkencëtarët kanë planifikuar katër skenarë të ndryshëm. I pari kërkon të stimulojë një ngjarje përpara pandemisë, i dyti me higjienë të madhe dhe pak distancë sociale, ndërsa i treti me gjysmën e vizitorëve dhe çdo person të qëndrojë 1.5 metra larg tjetrit. Projekti mori 990,000 euro (892,000, 1.17 milion dollarë) fonde nga shtetet e Saksonia-Anhalt dhe Saksonia me qëllim që të ndihmojë për të hapur rrugën për rifillimin e ngjarjeve kryesore sportive dhe muzikore të brendshme, duke konstatuar nivele reale të rrezikut.
Të gjithë pjesëmarrësit në koncert do të testohen për Covid. Kërkuesit pritet që të përdorin dezinfektantë fluoreshentë që të gjurmojnë sipërfaqet që do të preken më së shumti nga audienca. Qëllimi i studimit është që të ndihmohet sadopak kthimi në normalitet i sporteve apo koncerteve që zhvillohen në ambiente të mbyllura.
“Pandemia e koronës po paralizon industrinë e ngjarjeve. Për sa kohë që ekziston rreziku i infeksionit, koncertet kryesore, panairet tregtare dhe ngjarjet sportive nuk mund të zhvillohen. Kjo është arsyeja pse është kaq e rëndësishme të zbulohet se cilat kushte teknike dhe organizative mund të minimizojnë në mënyrë efektive rreziqet.”- tha Ministri i Ekonomisë dhe Shkencës i Saksonia-Anhalt, Prof Armin Willingmann, para ngjarjes
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
