Gjërat e shtrenjta për të cilat ja vlen të shpenzoni

Gjërat e shtrenjta për të cilat ia vlen të shpenzoni

Të gjithë ne mundohemi të tregohemi të zgjuar me paratë tona. Por blerjeve të shtrenjta nuk iu shmangemi dot. Në fakt, janë disa produkte apo eksperienca që vlejnë më shumë, se sa gjërat e lira që shpesh janë një shpenzim i vazhueshëm.

Shpesh ne blejmë gjëra që nuk na nevojiten, për t’i bërë qejfin njerëzve që nuk i pëlqejmë. Për të menaxhuar më mirë shpenzimet duhet të vendosim prioritete dhe të ndjekim shpenzimet tona duke bërë ndryshimet e nevojshme.

Lexoni: Për çfarë nuk shpenzojnë njerëzit e pasur?

Në blerjet tuaja, duhet të shtoni dhe vlerën që mund të sjellin ato në jetën tuaj. A ju ndihmon kjo blerje të kurseni kohë, ju bën të ndiheni më të sigurtë apo është një eksperiencë që do ta mbani mend gjatë?

1. Edukimi

Debatet lidhur me tarifat e shkollimit vazhdojnë të jenë të pranishme vit pas vitit në Shqipëri, por në mentalitetin tonë shkolla është një prioritet pavarësisht prirjeve apo mundësive financiare.

Një shprehje thotë: “Nëse shkollimi ju duket i kushtueshëm, nuk e dini se sa shumë do t’ju kushtojë injoranca.” Ndaj konsiderojeni edukimin një investim që nuk i humbet vlera. Rritja e njohurive mund të rrisë kapitalin tuaj njerëzor në të ardhmen.

2. Udhëtimet

Udhëtimi, është terapia më e mirë për mendjen dhe shpirtin e njeriut. Të shpenzosh për lumturinë tënde; A është gabim?

Raporte të ndryshme sugjerojnë të udhëtoni sa më shpesh, brenda dhe jashtë vendit, në vende të njohura e të panjohura, gjatë apo në fundjavë. Jepini trurit lirinë për të njohur më shumë, dhe shpirtit një paqe të merituar.

3. Një dyshek cilësor

Gjumi është esenca e një shëndeti të mirë, kjo sipas Institutit të Shëndetit. Investoni në një dyshek që ju ofron komoditet, edhe nëse nuk keni mundësi të flini shumë.

Një gjumë i mirë, ndikon drejtëpërdrejtë në pjesë të ndryshme të jetës sonë. Nëse nuk pushojmë mirë, ditën tjetër nuk do të jemi produktiv, nuk do të kemi marrdhënie të mirë më kolegët apo shefin, dhe e gjithë dita do të shkoj keq. Vlera e një dysheku të mirë, shtohet me kalimin e kohës.

4. Shërbime që të kursejnë kohë

Disa shërbime janë të domosdoshme, për të mos jetuar vetëm me ankesa.

Pastrimi, lyerja apo difekte të ndryshme që ndodhin në shtëpi është më mirë të lihen në dorën e profesionistit. Në këtë mënyra jeta bëhet më e thjeshtë dhe pa strese, duke mos pritur që nga momenti në moment abazhuri që ke montuar vetë të bjerë në tokë.

Këto janë ato investime që kur bëhen mirë të kursejnë më shumë nga sa mendon.

Lexoni: 10 mënyra kursimi për çdo punonjës

5. Rroba që rrinë mirë

Nëse rrobat tuaja nuk i rrinë mirë trupit, ju nuk dukeni bukur. Nuk ka rëndësi marka apo stilisti, gjeni rroba që i përshtaten trupit tuaj, pavarsisht çmimit.

Veshja është ajo që bën diferencën.

6. Gjithçka për shëndetin

Kush nuk do të investojë në shëndetin e tij?

Ushqime të pasura në vlera ushqimore, sport, palestër, etj,. Ky është shpenzimi më i domosdoshëm në jetën tonë. Përtej shëndetit fizik, këto shpenzime i shtojnë shumë vlera shëndetit mendor.

/BusinessInsider

Evente

Le të ndërtojmë një rrjet nervor

Shtator 26, 2018
6:30 PM – 9:30 PM

Coworking Week 2018

Tetor 4, 2018
7 PM

AllWeb Albania 2018

Tetor 11, 2018
9 AM - 6 PM