Gautam Adani, manjati indian, i cili është ngjitur në renditjen e më të pasurve me shpejtësi marramendëse këtë vit, ia kaloi Jeff Bezos-it për t’u bërë personi i dytë më i pasur në botë.
Adani, i cili e nisi vitin si i 14-ti në Indeksin e Miliarderëve të Bloomberg, tani ka një pasuri prej 146.9 miliardë dollarësh, duke mbetur prapa vetëm 260 miliardë dollarëve të Elon Musk. Aksionet e kompanisë së tij “Adani Enterprises” u rritën në nivele rekord këtë javë dhe disa nga kompanitë e grupit të tij janë rritur më shumë se 1000% që nga viti 2020.
Lexo edhe: Gautam Adani bëhet personi i tretë më i pasur në botë. Hera e parë për një aziatik
Pasuria neto e Bezos ra në 145.8 miliardë dollarë që nga ora 10:38 e mëngjesit në Nju Jork, pasi një shitje e aksioneve teknologjike goditi sërish pasuritë e amerikanëve më të pasur. Zhvendosja në renditjen e pasurisë mund të jetë e shkurtër dhe varet kryesisht nga aksionet e “Amazon”, të cilat kanë rënë me më shumë se 26% këtë vit.
Adani fillimisht kaloi Mukesh Ambani të Indisë si personi më i pasur aziatik në shkurt, u bë një centiliarder në prill dhe ia kaloi Bill Gates dhe Bernard Arnault të Francës në dy muajt e fundit. Është hera e parë që dikush nga Azia e ka arritur këtë shumë në nivelet më të larta të indeksit të pasurisë, i cili është dominuar nga sipërmarrësit e teknologjisë amerikane.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
