GameON organizon finalen e Red Bull Solo Q Albania për League of Legends - Business Magazine Albania

GameON organizon finalen e Red Bull Solo Q Albania për League of Legends

GameON

Në datë 2 Korrik, GameON organizoi finalen e Red Bull Solo Q Albania për League of Legends. Eventi u krye në premisat e Kinema Millennium në Tiranë duke nisur nga paraditja e deri pasdite.

Red Bull Solo Q është turneu global 1v1 i League of Legends, i cili sjell lojtarët nga e gjithë bota të konkurrojnë për të triumfuar dhe promovuar lojtarët e rinj të cilët duan të kenë një karrierë në eSports. Ky ishte Edicioni i Tretë që GameON organizonte Kualifikueset për Shqipërinë të Red Bull Solo Q, i cili vinte pas një pauze të Solo Q në 2021 për shkak te pandemisë.

Me GameON që po hyn në vitin e 6 që nga themelimi, është e qartë që komuniteti është rritur masivisht dhe ekipi ka marrë mjaft eksperiencë gjatë kësaj kohe, nëpërmjet partnerëve lokal dhe global.

Këta partnerë i kanë lejuar të ndjekin vizionin e tyre për të ofruar struktura ku gamers mund të bashkohen, informohen, edukohen dhe argëtohen. Prandaj një falenderim special për të gjithë të përfshirët në këtë projekt: Red Bull, Gjirafa, FaceIT, Riot Games, AOC dhe Freakz4U duke e bërë këtë një ndër eventet me organizimin dhe pjesëmarrjen më të mirë jo vetëm në Shqipëri, por edhe në Europë!

Gjatë eventit u mblodhën 240 ndjekës të cilët e mbushën plot sallën e Millennium. E përveç ndjekësve live, kishte mijëra ndjekës online dhe një ndërveprim aktiv mes komunitetit të gaming në Shqipëri.

Pjesëmarrësit erdhën gjatë paradites kur kishin mundësi të flisnin me stafin e GameON, të bënin network me komunitetin, të luanin me pajisjet e ofruara nga Gjirafa50, të konsumonin diçka nga banketi si dhe normalisht red bulls nga stafi i Red Bull.

Pas eventit të networking, pjesëmarrësit ishin gati të zinin vendet e tyre brenda në kinema për të ndjekur 16 finalistët e Red Bull Solo Q, të cilët u përballën me njëri tjetrin derisa nxorrën një fitues, i cili ishte Gesi Dano. Gjatë gjithë kohës audienca ishte elektrizuese për vetë lojtarët, por po ashtu dhe për prezantuesit si dhe casters të GameON Albania.

Përshtypjet e lojtarëve ishin shumë të mira pas eventit duke e krahasuar me evente globale të League of Legends nga ana e organizimit dhe promovimit. Pjesëmarrësit nga ana tjetër shprehën mirënjohje për këtë event i cili ofroi një eksperiencë ndryshe e cila nuk ndodh ose ndodh mjaft rrallë në trevat shqiptare. Partnerët dhe aktorët në ekosistem së fundmi dolën mjaft të kënaqur nga Red Bull Solo Q i cili ishte një ngjarje që tejkaloi pritshmëritë e tyre.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0