Për shkak të pandemisë së koronavirusit, të punuarit nga shtëpia u bë diçka e pashmangshme për shumë kompani. Për shumë punonjës, kjo eksperiencë nuk ishte vetëm e re, por edhe e frikshme.
Avantazhet, natyrisht, janë të qarta: fleksibilitet i lartë, autonomi e pamohueshme dhe rruga për në punë është një ecje në korridorin e shtëpisë. Disavantazhet? Ajo kërkon praktikë dhe kërkon një sasi të konsiderueshme të vetëdijes, disiplinës dhe fokusit.
Këtu janë gjashtë gabimet që njerëzit e suksesshëm nuk i bëjnë kurrë kur punojnë nga shtëpia:
- Puna me pizhame
Njerëzit më produktivë nuk zgjohen dhe fillojnë të punojnë menjëherë ndërsa janë ende në pizhame. Në vend të kësaj, ata përgatiten për ditën në të njëjtën mënyrë që do të bënin nëse do të shkonin në zyrë e cila, po, përfshin të veshurit me rroba të paraqitshme.
- Puna nga krevati ose divani
Nuk ka asnjë konfigurim të vetëm që funksionon për të gjithë. Do të duhen disa prova dhe gabime për të gjetur një plan të hapësirës së punës në shtëpi që mbështet nevojat tuaja, por çelësi është që të ngjajë sa më shumë me konfigurimin e zyrës suaj. Ju nuk keni nevojë as për një dhomë private; mund të jetë një zonë e caktuar në shtëpinë tuaj, larg shtratit dhe divanit, nëse është e mundur. Në thelb: “JO ZONË RELAKSIMI”.
- Të zhdukesh
Edhe në ditët më të ngadalta, njerëzit e suksesshëm që punojnë nga shtëpia e bëjnë gjithmonë zakon komunikimin e vazhdueshëm. Sigurohuni që të gjithë anëtarët e ekipit tuaj të kenë kuptuar mesazhet tuaja siç duhet dhe që askush të mos ndihet i lënë pas dore.
Nuk duhet të kontrolloni vazhdimisht dhe t’u përgjigjeni emaileve (përveç nëse ato janë urgjente). Së paku, bëni kontrolle të rregullta me menaxherin dhe ekipin tuaj përmes Slack, telefonatave, emaileve. Dilni nga zona juaj e rehatisë, flisni për qëllimet tuaja për javën. Kërkoni dhe jepni reagime të drejtpërdrejta.
- Neglizhimi i shëndetit
Kur nuk jeni në zyrë, zakonisht ka edhe më pak aktivitet fizik: Nuk ka salla takimesh për të ecur, nuk ka kolegë për të shkuar në një kafe dhe nuk ka korridore të gjata që të çojnë tek printeri ose në tualet.
Edhe nëse ushtroheni shpesh, qëndrimi ulur për periudha tepër të gjata kohore mund të jetë një faktor rreziku i vdekjes së hershme, sipas një studimi të botuar në Annals of Internal Medicine. Por, ka një lajm të mirë: Studiuesit zbuluan se njerëzit që rrinin ulur për më pak se 30 minuta në të njëjtën kohë kishin rrezikun më të ulët të vdekjes së hershme.
Kthejeni në zakon të gjeni kohë gjatë ditës për shëtitje (të paturit një qen e bën më të lehtë). Ekzistojnë gjithashtu aplikacione që ju lejojnë të vendosni synime për ecjen në këmbë për t’u siguruar që po lëvizni mjaftueshëm.
- Mos krijimi i strukturës dhe kufijve
Është e lehtë të shpërqendrohesh nga çështjet personale, kur punon nga shtëpia, sepse je shumë më i arritshëm për njerëzit jashtë punës tënde.
Kjo është arsyeja pse ju duhet një strukturë, një orar i qëndrueshëm, për të cilin jeni të rreptë, për të parandaluar shpërqendrimet që shqetësojnë rrjedhën tuaj të punës. Mënyra më e lehtë për ta bërë këtë është të krijoni një listë detyrash për çdo ditë. Ajo duhet të përfshijë detyra shumë specifike, të matshme dhe të arritshme. Mund t’ju duhet të rregulloni listën e së nesërmes në varësi të asaj që bëni sot.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
