Fuçia e naftës mund të arrijë 100$. Kjo do të sjellë uraganin e ri makroekonomik në botë thonë ekspertët   - Business Magazine Albania

Fuçia e naftës mund të arrijë 100$. Kjo do të sjellë uraganin e ri makroekonomik në botë thonë ekspertët  

uraganin e ri makroekonomik

Çmimi bazë i naftës, Brent, mund të rritet mbi 100 dollarë për fuçi për herë të parë që nga viti 2014, në rast të një dimri tjetër të ftohtë, thekson Banka e Amerikës në një raport të sajin.

Oferta e ulët e gazit natyror dhe çmimet marramendëse në tregun global mund të ushtrojë një presion më të madh mbi naftën e papërpunuar.

Çmimi i naftës Brent u rrit 0.27%, në 75.23 dollarë për fuçi, ndërsa nafta bruto West Texas Intermediate u rrit 0.42%, në 78.64 dollarë për fuçi.

Çmimet më të larta të naftës mund të nxisin inflacionin që do të shkaktojë “uraganin e ardhshëm makroekonomik”, thanë analistët e udhëhequr nga Francisco Blanch. Mund të ketë tre arsye për këtë:

  • Zëvendësimi i gazit me naftë deri në 2 milionë fuçi në ditë për shkak të çmimeve të larta të gazit
  • Rritja e kërkesës bruto deri në gjysmë milioni fuçi në ditë për shkak të një dimri të ftohtë
  • Rritja në konsumin e aviacionit deri në 500,000 fuçi në ditë në tremujorin e parë të 2022 për shkak të një bumi të udhëtimeve ajrore ndërsa ekonomia rihapet.

“Nëse të gjithë këta faktorë bashkohen, çmimet e naftës mund të rriten dhe të çojnë në një raund të dytë të presioneve inflacioniste në të gjithë botën,” thanë analistët. “E thënë ndryshe, ne mund të jemi vetëm një stuhi larg nga uragani tjetër makro.”

Lexo: Kryeministri Rama paralajmëron krizën e re që do godasë Shqipërinë: “Do përballemi me çmime marramendëse. Qeveria gati të mbrojë më të dobëtit”

Oferta e ulët e shoqëruar me konsumatorët e mbushur me para stimuluese ka çuar në shtrëngimin e tregut global të mallrave, thanë analistët. Deri më tani, rritja e çmimeve të energjisë dhe mallrave ka çuar inflacionin në 5% në muajt e fundit.

Nafta Brent kaloi 80 dollarë për fuçi në fillim të kësaj jave, por ka tërhequr shpresat që OPEC dhe aleatët e saj të konsiderojnë një rritje të prodhimit me 400,000 fuçi në ditë në takimin e tyre javën e ardhshme.

CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0