Franca gjobit Google me 500 mln euro për shpërndarjen e lajmeve pa leje - Business Magazine Albania

Franca gjobit Google me 500 mln euro për shpërndarjen e lajmeve pa leje

Google u gjobit 500 milionë euro nga autoritetet e konkurrencës në Francë, për mosrespektimin e marrëveshjes mbi publikimin e lajmeve nga kompanitë mediatike. Autorité de la Concurrence në Francë tha se Google kishte shkelur një vendim të Prillit 2020, i cili urdhëroi kompaninë të negocionte marrëveshje licencimi “me mirëbesim” me botuesit dhe agjencitë e lajmeve për çdo ri-përdorim të përmbajtjes së mbrojtur nga e drejta e autorit.

Në janar, Google ra dakord për një marrëveshje të madhe për të drejtat e autorit digjital me botuesit francezë. Si pjesë e asaj marrëveshje, kompania tha se do të negocionte licenca individuale me anëtarët e Aleancës së Shtypit të Francës që mbulojnë të drejtat e lidhura dhe qasjen në një shërbim të ri të quajtur News Showcase.

Autoriteti i Konkurrencës në Francë e mori parasysh këtë, duke thënë se nuk përfshinte një diskutim mbi shpërblimin për përdorimet aktuale të përmbajtjes së mbuluar nga “të drejtat fqinje” për shtypin. Rregullatori shtoi se Google kufizoi fushën e bisedimeve me median duke refuzuar të përfshijë përdorimin e imazheve të shtypit.

Kjo është gjoba më e madhe që ka vendosur ndonjëherë Franca kundrejt një kompanie që nuk respekton ligjet e saj. Google u urdhërua nga rregullatori të paraqiste një ofertë shpërblimi për përdorimin e përmbajtjes së mbrojtur të botuesit brenda dy muajsh, ose rrezikon të përballet me gjobë deri në 900.000 euro në ditë. Përfaqësues nga Google thanë se ishin “shumë të zhgënjyer” nga vendimi i shtetit Francez.

“Ne kemi vepruar me mirëbesim gjatë gjithë procesit”, tha një zëdhënës i Google për CNBC. “Gjoba injoron përpjekjet tona për të arritur një marrëveshje dhe realitetin se si funksionojnë lajmet në platformat tona.”

“Deri më sot, Google është e vetmja kompani që ka njoftuar marrëveshje për të drejtat fqinje,” shtoi zëdhënësi. “Ne gjithashtu jemi gati të finalizojmë një marrëveshje me AFP që përfshin një marrëveshje globale të licencimit, si dhe shpërblimin e të drejtave të tyre fqinje për botimet e tyre për shtyp.”

Gjoba rekord është zhvillimi i fundit në një betejë të vazhdueshme për të drejtat e autorit midis gjigandëve të teknologjisë si Google dhe Facebook dhe botuesve të lajmeve. Franca ishte vendi i parë që miratoi ligjet e reja të diskutueshme të së drejtës së autorit të BE-së që synojnë t’u japin organizatave të lajmeve më shumë mbrojtje për të siguruar që ata të kompensohen drejt për shpërndarjen e copave të përmbajtjes së tyre në internet. Vendi i dytë ishte Australia.

CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0