Ford rihap proçesin e aplikimit për të pasur një Ford GT
Përditësuar së fundmi: 18/07/2018

Ford rihap proçesin e aplikimit për të pasur një Ford GT

Share
nga Jon
Kor 18, 2018

Një ditë e mirë kjo për të gjithë ata koleksionistë që nuk mundën të përzgjidheshin për të patur mundësinë të blejnë Ford GT e ri.

Proçesi i aplikimit do të jetë i katërti dhe i fundit për supermakinën amerikane. Me shumë mundësi do të përfshijë modelet e vitit 2020-2021. Një drejtues i Ford tha për The Drive se modeli i vitit 2019 do të jetë i fundit i aplikantëve fitues aktual.

ford gt

Nuk ka një datë fiks për aplikimin. Aplikimet ishin aktive për herë të fundit në vitin 2016. Por, thuhet se do të rihapen brenda vitit 2018. Prodhimi i Ford GT hasi në disa probleme gjatë rrugës pas disa anomalive në logjistikë dhe me furnitorët. Gjithsesi, Multimatic, kompania kanadeze përgjegjëse për ndërtimin e Ford GT, do t’i ndërtojë të 1000 GT ashtu siç u premtua në fillim.

“Kur të hapet website, aplikimet e reja mund të paraqiten. Gjithashtu, edhe aplikimet e vjetra mund të rregullohen, për të shtuar shanset e të pasurit një Ford GT.” – u shpreh një drejtues i Ford Performance.

ford gt

Ford iu bashkua Ferrari-t dhe kompanive të tjera, të cilat makinat e tyre më ekskluzive nuk ia shesin kujtdo, por vetëm klientëve potencialë. Kjo lëvizje u kritikua shumë nga entuziastët e Ford. Ata thanë se kompania nuk duhet të adoptonte metodat dhe protokollet elitiste të europianëve. Në fakt, Ford vendosi shumë kushte për të  blerë një Ford GT.

Kur blen një Ford GT, gjithashtu firmos një shkresë, e cila të ndalon ty që t’a shesësh atë brenda 24 muajve nga blerja. Kjo, për të shmangur mundësinë e afërt të aplikimeve të refuzuara për të përfituar. Gjithashtu, edhe të sulmonte tregun e spekulatorëve. Shumë makina ekskluzive, shiten me çmime 2-3 herë më të lartë meqënëse kërkesa është e lartë dhe oferta është e ulët.

John Sina, ishte një nga “viktimat”. Ai shiti Ford GT të tij pak pasi e bleu, dhe u hodh në gjyq nga vetë Ford.

Burimi: The Drive


Evente

Trajnim nga BERZH – Si të menaxhoni një kompani konsulence?

Tetor 29, 2018
- 30 Tetor, 2018 dhe 20-21 Nëntor 2018, ora 9:00 AM - 5:30 PM

Panairi i 21 i Librit “Tirana 2018”

Nëntor 14, 2018
– 18 Nëntor ora 08:00 - 21:00