FluxJet, treni që do të udhëtojë me 1200 km në orë

Udhëtimi me më shumë se 1000 km/h, pritet të jetë realitet në një të ardhme të shpejtë.

Një kompani me bazë në Kanada prezantoi projektin e saj ambicioz për ndërtimin e mjetit që i përngjan shumë një treni, i cili do të udhëtojë me shpejtësi mbi 1000 km në orë.

Shpejtësia 1200 km/h, që do të arrijë ky tren ultra i shpejtë ,do të jetë më e madhe se ajo e një aeroplani reaktiv dhe 3 herë më e lartë me se e një treni të shpejtë. E gjithë kjo, në një formë të sigurt.

Disa veçori rreth trenit ultra të shpejtë:

Do të shkurtojë kohën e udhëtimit

Nëse midis dy vendeve ka 304 kilometra, që do të thotë pak më pak se tre orë me makinë dhe më shumë se katër orë me transport publik, me tren do të bëhet për rreth 45 minuta.

Do të punojë me burime të rinovueshme

Gjëja më e mirë e projektit FluxJet, siç është quajtur ky tren është se do të funksionojë me energji të rinovueshme.

Pasagjerë dhe mallra

Përveç pasagjerëve, FluxJet do të mund të transportojë të gjitha llojet e mallrave.

Kursime të jashtëzakonshme energjie

Përllogaritjet e kompanisë vlerësojnë se emetimet do të reduktohen me 636 mijë tonë CO2 me këtë projekt.

54 pasagjerë për makinë

Synimi është që çdo vagon të ketë hapësirë ​​për 54 pasagjerë, me vend për dy karrige me rrota dhe katër rafte për bagazhe.

Çmime të përballueshme

Projekti, ende në zhvillim, do të ishte pionieri i një rrjeti trenash ultra të shpejtë që do të lejonte lëvizjen në të gjithë Kanadanë shpejt, me efikasitet dhe me cilësi të lartë, pasi dizajni i FluxJet do të jetë premium, megjithëse kompania shpreson që bileta çmimi të jetë i përballueshëm. thedailydigest