Zyrtarë të financave nga e gjithë bota janë zotuar të intensifikojnë përpjekjet për të nxitur ekonominë në shkallë globale.
Në një komunikatë të nxjerrë dje, anëtarë të Fondit Monetar Ndërkombëtar thanë se do të punojnë “drejt një rritjeje më të fortë, më të qëndrueshme dhe më të balancuar që krijon vende të reja pune”.
Drejtoresha e FMN-së Christine Lagarde tha se suksesi i këtyre zotimeve varet nga vullneti politik që do të tregojnë udhëheqësit në vendet përkatëse.
Zyrtarë të lartë të ekonomisë dhe financave, që janë mbledhur në Uashington për takimet e Bankës Botërore dhe Fondit Monetar Ndërkombëtar nënvizuan edhe nevojën për reforma financiare në shumë drejtime, përfshirë sektorin bankar për t’i bërë më të vështira praktikat që nxori Skandali i Panamasë, me fshehjen e pasurisë nga zyrtarët për të shmangur taksat.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
