FCA dhe Waymo: Marrëveshje për 62,000 Chrysler Pacifica autonome


Grupi FCA dhe Waymo kanë zgjeruar bashkëpunimin e tyre së fundmi me një marrëveshje e cila përfshin 62,000 Chrysler Pacifica hibride në flotën e Waymo për makinat autonome.

Veç të tjerave, është diskutuar edhe idea e liçensimit të teknologjisë të pilotimit autonom nga Waymo për t’a përdorur tek makinat e zakonshme të FCA.

Pak më parë Waymo tha se për më pak se 2 vite, do të nxjerrë në rrugë 20,000 Jaguar I-Pace autonome. Por Pacifica Hybrid ka qënë gjithmonë pjesë e planeve afatgjatë të kompanisë. Ata planifikojnë të krijonë flotën e parë në botë të makinave autonome. Bashkëpunimi me FCA, ka nisur që në Maj 2016. Deri më tani 600 Pacifica Hybrids janë dorëzuar tek Waymo. Shumë prej tyre, janë përdorur vetëm për qëllime testimi të teknologjisë.

“Pacifica është makina perfekte për të nisur këtë shërbim. Është një platformë e re, me dyer rrëshqitëse dhe 3 rreshta me sedilje. Është hibride, dhe ka standarte të larta sigurie”. – u shpreh John Krafcik, CEO i Waymo.

Mundësia e FCA për të furnizuar flotën e tyre, i jep një shtytje volumit të Pacifica në krahasim me vitet e tjera.

“FCA është e vendosur të sjellë teknologjinë e drejtimit autonom tek konsumatorët, sepse kjo teknologji është e sigurtë, efiçente dhe realiste”. – u shpreh Sergio Marchionne, CEO i grupit automotiv FCA. Gjithsesi, FCA, është në vështirësi të menaxhimit të një portofoli brand-esh dhe produktesh, mungesën e burimeve, për t’u drejtuar vetëm tek drejtimi autonom. “Bashkëpunimet strategjike si ky me Waymo, do të na ndihmojnë në inovacion”. – vazhdoi Marchionne.

“Waymo është e lumtur të lejojë kompani që të përdorin teknologjinë për përdorim personal”. – u shpreh Krafcik. I tillë është rasti në fjalë kur FCA do që të liçensojë teknologjinë. Ai thotë se kompania e tij është e dedikuar të krijojë shërbime logjistike të ndryshme. Gjithashtu edhe të lidhë njerëzit me shërbime egzistuese.

“Ne nuk jemi një kompani makinash. Ne nuk prodhojmë makina. Jemi duke u përpjekur të ndërtojmë shoferin”, tha Krafcik.

Burimi: Motor Trend

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale