Facebook bllokon reklamat që përjashtojnë grupe të caktuara etnike dhe racore


Facebook ka njoftuar se do të ndalojë përkohësisht reklamuesit që përjashtojnë grupe të ndryshme etnike dhe racore kur blejnë reklama në rrjetin social.

Facebook do të kryejë një kontroll në mënyrën se si reklamuesit përdorin mjetin e përjashtimit.

Ky auditim do të shtrihet përtej grupeve etnike dhe racore për të përfshirë përdorues të tjerë, si komuniteti LGBT dhe grupet fetare, njoftoi USA Today.

Lexoni: Facebook sjell funksionalitetin më të fundit “Mentorship and Support”

Kreu operativ i Facebook Sheryl Sandberg i shkroi Black Caucus të Kongresit për të konfirmuar ndryshimin e politikave dhe shqyrtimin e reklamuesve.

“Derisa të sigurohemi më mirë që mjetet tona të mos përdoren në mënyrë të papërshtatshme, ne po e çaktivizojmë opsionin që lejon reklamuesit të përjashtojnë segmente të caktuara nga publiku për reklamat e tyre,” shkruante ajo.

“Vendimi i Facebook për të çaktivizuar funksionin e tij të reklamimit multikulturor është një veprim i duhur deri sa të ndreqen shqetësimet serioze që lidhen me atë veçori,” tha kongresmenja Robin Kelly në përgjigje të saj.

Veprimi i Facebook vjen një javë pasi ProPublica, një organizatë jo-fitimprurëse e lajmeve, zbuloi se Facebook ishte ende duke i lejuar reklamuesit të blinin reklama që përjashtonin audiencat në nivel racor edhe pse ai kishte premtuar më parë masa mbrojtëse.

Për hetimin e saj, ProPublica bleu dhjetëra reklama me qera në Facebook, por kërkoi që të mos u tregoheshin afrikano-amerikanëve, nënave të fëmijëve të shkollave të mesme, folësve spanjollë dhe të shpërngulurve nga Argjentina.

Lexoni: 270 milionë adresa të paligjshme në Facebook

Megjithatë, sipas ProPublica, çdo reklamë diskriminuese u miratua brenda disa minutave edhe pse të gjitha këto grupe duhej të mbrohen nga Ligji Federal për Strehim.

“ProPublica kohët e fundit zbuloi se masat mbrojtëse që vendosëm në fillim të këtij viti nuk ishin aq gjithëpërfshirëse sa duhet të ishin,” tha Rob Goldman, VP e reklamave, zhvillimit dhe zgjidhjeve të Facebook. “Ky ishte një dështim në zbatimin e kësaj mase. Ne duhet të bëjmë më mirë.”

burimi: warc

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale