Instituti Shqiptar i SME-ve “SME Albania” me mbështetjen e Ambasadës Hollandeze dhe Cooperazione Italiana do të organizojë aktivitetin me temë “Tirana SME Week 2017: Speed up to Europe”, në datat 16 dhe 17 Nëntor 2017 pranë ambienteve të Telekom Mobile, Rruga Ibrahim Rugova, Tiranë.
Java e SME-ve është një fushatë pan-europiane që synon të promovojë sipërmarrjen në Europë. Aktivitete të tilla ndihmojnë sipërmarrësit ekzistues të gjejnë informacion mbi mbështetjen në dispozicion të tyre dhe përpiqen të inkurajojnë më shumë njerëz për të startuar një sipërmarrje.
Në këtë aktivitet mund të marrin pjesë sipërmarrësit ekzistues apo potencialë për Startup-e, organizata të biznesit, autoritetet publike në shërbim të biznesit, institucionet e formimit profesional, etj.
Ky aktivititet dy ditor do të fokusohet kryesisht në temat si më poshtë:
- Tryezë e rrumbullakët për prodhimin “Made in Albania”
- BE-ja, një partner ekonomik
- Roli i medias në perceptimin e konsumatorit dhe rritjen e standardeve të cilësisë për produktet shqiptare.
- Aksesi në financë
- Konkurrueshmëria e SME-ve nëpërmjet inovacionit
Për të marrë pjesë në aktivitet, të interesuarit të dërgojnë një email në adresën info@sme.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
