Në datën 2 Tetor 2017, Media Desk Albania e Programit të Bashkimit Evropian “Europa Krijuese”, do të mbajë në kontekstin e Balkan Film Market, takimin rajonal Ballkanik të Media Desks Balkans.
Ky takim, i cili do të presë përfaqësues nga sektori kinematografik dhe audiovizual Ballkanik dhe Shqiptar, do të mbahet në disa panele diskutimi përgjatë gjithë ditës, duke ofruar për profesionistët e sektorit një pamje më të gjerë të mundësive që ofron programi Evropa Krijuese për sektorin kinematografik dhe atë adudiovizual në Ballkanin e Perëndimit si dhe në Shqipëri.
Në këtë takim do të marrin pjesë, dretuesit e Media Desk të Shqipërise, Serbisë, Kroacisë, Malit të Zi, Bosnjes, Sllovenisë, Maqedonisë, Greqisë, Italisë, së bashku me drejtuesit e Qendrave Kombëtare Kinematografike të këtyre vendeve, si dhe përfaqësuesja e Komisioni Evropian, Znj. Ase M. Meyer : Oficere për Politikat audiovizive pranë Drejtorisë së Përgjithëshme të Komunikimit, Rrjeteve, Përmbajtjes dhe Teknologjisë. “Policy Officer Directorate-General for Communications, Networks, Content and Technology”.
Ky takim, i cili është i hapur për të gjithë sektorin kinematografik dhe audiovizual në Shqipëri dhe Ballkan, do të ndalet në disa cështje të rëndësishme mbi programin Evropa Krijuese : bashkëpunimi rajonal, gjetja e mundësive të rritjes së partneriteteve, opinioni i aplikantëve shqiptarë dhe ballkanas në lidhje me kriteret e thirjeve për propozime, sukseset dhe dështimet e aplikantëve në këtë program, politikat e BE -së në lidhje me zhvillimin kinematografik dhe audiovisual në Ballkan dhe Shqipëri.
Takimi i cili mbahet me mbështetjen e plotë të Programit Evropa Krijuese, Ministrisë së Kulturës dhe Qendrës Kombëtare të Kinematografisë, do të shoqërohet me prezencën e Znj. Mirela Kumbaro; Ministre e Kulturës, një prej personaliteteve politike në vend, falë vullnetit dhe angazhimit të së cilës, Shqipëria sot bën pjesë në Programin Evropa Krijuese të Bashkimit Evropian.
Ju lutem ndiqni faqen e regjistrimit të hapur nga Balkan Film Market, për të regjistruar prezencën tuaj në këtë takim.
Media Desk Albania, ju mirëpret!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.