Konferenca LEAPin Prishtina do të mbahet më 12 Mars 2019, me fillim nga ora 9:30, në amfiteatrin e madh të Administratës Qendrore të Universitetit të Prishtinës “Hasan Prishtina”, objekti i Institutit të Historisë dhe do të zgjasë deri në orën 16:00.
Pjesëmarrës në këtë konferencë janë studentë e aktivistë të përkushtuar në zhvillimin e komunitetit, të rinj nga fusha e sipërmarrjes dhe aktivistëve nga shoqëria civile.
Në konferencë në mesin e 300 pjesëmarrësve, do jetë Ambasadorja Kroate në Kosovë, Marija Kapitanovic, Ministri i Kulturës, Rinisë dhe Sportit Kujtim Gashi, Kryetari i Komunës së Preshevës, Rektori i Universitetit të Prishtinës Marjan Demaj dhe Presidenti shoqatës LDA z.Marilo Meta.
Ndërsa në panelin e folësve janë Gentiana Fanaj Këshilltare për rininë, Presidenca Kroate, Shaqir Palushi Drejtor dhe Themelues Frutex, Mentor Shuki (Show Man) Radio Prishtina, Ardit Krasniqi Drejtor dhe Themelues PortalPune, Dorina Lluka Davies National CEO YMCA, Arjeta Spahiu CEO Advoco Solutions, Pranvera Hyseni Founder & Director Astronomy Outreach of Kosovo.
Ky është viti i tretë, që Leadership Development Association Albania & Kosova (www.lda.al)* fiton patentën ekskluzive, për të sjellë në Shqipëri dhe Kosovë, një prej eventeve më të rëndësishme të Europës, Leap Summit.
Learn Engage Act Progress – LEAPin Prishtina është konferencë ndërkombëtare, e cila ka në fokus inovacionin, IT dhe teknologjitë moderne, sipërmarrjen, zhvillimin e karrierës dhe historitë motivuese që stimulojnë lidershipin dhe suksesin (www.leapsummit.com).
Falë mbështetjes nga Ministria e Kulturës, Rinisë dhe Sportit, të Republikës së Kosovës, pjesëmarrja për të gjithë të interesuarit, të cilët janë regjistruar në kohë është falas.
LEAPin Prishtina 2019
*Leadership Development Association Albania & Kosova është organizate joqeveritare, e cila në fokus të veprimtarisë së saj ka fuqizimin e potencialeve tek të rinjtë, përmes aktiviteteve, trajnimeve, edukimit kryesisht joformal, shkëmbimeve rinore, duke nxitur kapacitetet dhe përfshirjen e tyre në jetën profesionale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.