17 Objektivat e Zhvillimit të Qëndrueshëm të njohur ndryshe dhe si Axhenda Globale 2030 është një axhendë ambicioze dhe kërkon që ta bëjë botën një vend më të mirë për të gjithë njerëzit duke mos lenë askënd pas. Në 25 Shtator 2015, Qeveria Shqiptare u angazhua për të adaptuar axhenden 2030 edhe në Shqipëri duke iu bashkuar 193 shteteve që zotoheshin në arritjen e tyre.
Të rinjtë luajnë një rol të rëndësishëm në këtë axhendë zhvillimi të qëndrueshëm duke qenë pjesë e patjetërsueshme, por dhe shumë e rëndësishme për t’u angazhuar.
Çfarë ka ndodhur në këto dy vitet e para? A ka filluar Shqipëria të krijojë një mjedis të qëndrueshëm për të rinjtë? Kush janë objektivat që afektojnë më së shumti të rinjtë që duhen adresuar shtetit shqiptar?
Është momenti të vendosni ju! Bëhuni pjesë e milionave të rinjve në mbarë botën që janë pjesë e angazhimit për të arritur #GLOBALGOALS2030.
Datë 15 Dhjetor 2017, pranë Qendrës Rinore të Tiranës, ora 10:30, Observatori për të Drejtat e Fëmijëve në bashkëpunim me Rrjetin e Organizatave “Zëri i të Rinjve” më mbështetjen e Zyrës së Kombeve të bashkuara në Shqipëri, do të takohen me një grup të gjerë të rinjsh që jetojnë në Tiranë për t’u njohur dhe diskutuar me tej rreth Axhendës Globale 2030, cilat janë objektivat që prekin më së shumti të rinjtë dhe se si mund t’i arrijmë ato!
Në fund të këtij procesi konsultimi, feedbacku i të rinjve do i adresohet shtetit Shqiptar dhe do të jetë pjesë e raportit Kombëtar mbi Objektivat e Zhvillimit të Qëndrueshëm.
Mos harroni të ftoni miqtë tuaj!
Për më tepër informacione jeni të lutur të kontaktoni:
andi_rabi@live.com ose nr. kontakti: 0695737084
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
