Konferenca e parë, e mbajtur në Beograd, shërbeu për të prezantuar konceptin e Ekonomisë Qarkore dhe për të nxitur praktikimin e kësaj ekonomie në të gjitha vendet e rajonit.
Për të vazhduar më tej me këtë temë, do zhvillohet konferenca e dytë rajonale në Tiranë, ku do të prezantohen analiza nga çdo vend i rajonit, të ndjekura nga diskutime mbi perspektivën europiane, sfidat që hasen gjatë aplikimit të Ekonomisë Qarkore dhe rolin që luajnë bashkitë për të promovuar më tej këtë model ekonomik.
Rrjeti Env.net , i përbërë nga 9 organizata, është krijuar për implementimin e një nisme të përbashkët mes Ballkanit Perëndimor dhe Turqisë, duke u dhënë mundësi qytetarëve të ngrenë zërin dhe të reagojnë ndaj reformës mjedisore për një integrim sa më të shpejtë në BE.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.