Transformimi dixhital nuk është vetëm inovacioni teknologjik. Ai e ka zemrën në transformimin që po ndodh tek blerësi, mënyrat e reja që ai përdor për t’u informuar dhe zgjedhur produktin që do të blejë, për cilësinë e tyre apo për shpejtësinë me të cilën blerësi pret që biznesi t’i përgjigjet.
Kjo është një sfidë që shtron përpara liderëve të bizneseve nevojën për të ri-modeluar produktet dhe shërbimet e tyre si dhe të kërkojnë mënyra të reja për të tërhequr më shumë klientë apo për të forcuar lidhjet me klientin ekzitues.
Microsoft Albania, në bashkëpunim me Deloitte Albania and Kosovo, organizojnë për herë të parë në Shqipëri Forumin e CEO-ve “The future is Digital” të Martën, me datë 12 Dhjetor 2017 në orën 10:30 – 12:30, në Plaza Tirana.
Diskutimi do të fokusohet në:
· Impakti që sjell transformimi dixhital mbi biznesin. Si po i përgjigjet sot biznesi një kërkese në rritje të klientëve për shërbime më të shpejta dhe cilësore. Prezantim i shembujve nga rajoni.
“Culture eats digitization for breakfast” Managing Director Microsoft CEE Digital Advisory Services
· Aplikimi i zgjidhjeve teknologjike për të optimizuar operacionet e përditshme të biznesit – si mund të ndihmojnë në rritjen e produktivitetit dhe aftësisë konkuruese të biznesit tuaj.
“Realize your digital future” Managing Partner, Deloitte Albania & Kosovo
· Diskutim i Hapur me pyetje nga audienca dhe nga moderatori.
Qëllimi është që të ndajnë me ju një eksperiencë reale, e cila t’ju inspirojë dhe t’ju bëjë të mendoni si mund t’i shtoni vlerë biznesit tuaj përmes ri-modelimit të proceseve apo përdorimit të zgjidhjeve teknologjike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.