International Girls in ICT Day, një iniciativë nga ITU (International Telecommunication Union), synon të fuqizojë dhe inspirojë vajzat ne fushën e ICT. Në të gjithë botën, në 26 Prill do të organizohen evente për të ndërgjegjësuar dhe për t’i inkurajuar ato. Në Shqipëri kjo nisëm ndërkombëtare do të vijë nën organizimin e EESTEC LC Tirana.
Targeti kryesor i këtij eventi do të jenë vajzat gjimnaziste 15-18 vjec, kjo për shkak të vështirësisë së marrjes së vendimit se për cfarë do të studiojnë në universitet. Edhe pse në 2018, ende ekziston steriotipi se “degët e ICT janë vetëm për djem”.
Në këtë event do të trajtohen histori suksesi të mjaft femrave shqiptare të cilat kanë bërë një impakt në teknologji. Femra, të cilat arritën t’ia dilnin në këtë fushë “male-dominated”. Të rejat gjimnaziste duke dëgjuar këto histori të inspirohen dhe pse jo, të ndjekin pasionin e tyre dhe t’u tregojnë të gjithëve se femrat MUNDEN.
Vajzat gjimnaziste do të kenë mundësi të bashkëbisedojnë dhe të pyesin panelin e femrave të suksesshme apo vetë vajza të cilat po studiojnë ICT nëpër universitete. Po ashtu në këtë event do të zhvillohet një workshop për sa i përket programimit të një app.
Eventi do të zhvillohet ditën e Enjte, (26/04/2018) në orën 13:30 në ambientet e M&M Ivanaj Foundation Institute.
PS. Për të marrë pjesë ne workshop është e nevojshme që pjesëmarrëset të kenë laptop.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.