Nga data 5 deri më 9 nëntor 2018, institucionet ofruese të Arsimit dhe Formimit Profesional, partnere të projektit ‘Aftësi për Punë’ S4J, do të organizojnë edicionin e dytë të ‘Javës për Praktikat Profesionale’!
Kjo javë, e cila organizohet në kuadër të ‘Javës Evropiane të Aftësive Profesionale’, përfaqëson një seri aktivitetesh të cilat kanë si qëllim promovimin e rëndësisë së praktikës profesionale dhe programeve të përditësuara të trajnimit sipas nevojave të tregut, për formimin e profesionistëve të kualifikuar të së ardhmes.
Ju ftojmë të bëheni pjesë e aktiviteteve të organizuara nga partnerët tanë!
Intervista për Praktikat Profesionale në biznes, diskutime të hapura, konferenca, vizita në kompani, histori suksesi të praktikantëve dhe sipërmarrësve, shkëmbim i përvojave mes mësuesve, prindërve dhe nxënësve janë disa prej aktiviteteve që do të organizohen gjatë kësaj jave në 5 qarqe të Shqipërisë: Shkodër, Lezhë, Tiranë, Berat dhe Vlorë.
Lexoni: Inovacioni kryefjalë e Olimpiadës së Aftësive
Zbuloni programin për secilin institucion në imazh!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.