Vjen për të katërtin vit radhazi BETAPITCH Tirana 2019

Përditësuar më: 21/10/2019

115

Anerola Torollari

BETAPITCH vjen sërish në Tiranë, për të katërtin vit radhazi në kërkim të startup-ve të reja dhe më premtuese.

Instituti Adriapol, Universiteti Marin Barleti në bashkëpunim me BETAHAUS Berlin, dhe me mbështetjen e padiskutueshme të EU 4 Innovation, AMSHC dhe AGNA Group, do të zhvillojnë Betapitch Tirana 2019, më 31 Tetor, ora 17:00, në mjediset e Universitetit Marin Barleti.

8 – 10 grupe të parazgjedhura, fillimisht do të mentorohen dhe më pas do të konkurojnë me bizneset e tyre përballë një jurie të larmishme ekspertësh. Ashtu si edhe në vitet e shkuara, fituesi i Betapitch Tirana do të fitojë një biletë për konkursin e madh BETAPITCH Global në Berlin, e cila do të zhvillohet në 6 Dhjetor 2019.

Vitin e parë që Shqipëria mori pjesë në Berlin, u përfaqësua denjësisht nga fituesi i Betapitch Tirana 2016 grupi IT for Equality, të cilët fituan çmimin e parë prej 500 Euro. Grupi fitues i Betapitch Tirana 2018 ishin Brander, ata prezantuan në Berlin risitë që do ti vinin në ndihmë industrisë së marketingut në Shqipëri.

Kujtojmë se aplikimet për Betapitch Tirana 2019 vijojnë deri më 29 Tetor!

Për më shumë informacion klikoni në linkun: https://www.betapitch.net/tirana/

Must watch

Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë