Shkencat e forta janë konsideruar historikisht si një fushë “mashkullore” e dijes. Gratë që ndërmarrin studimet dhe një karrierë në këto disiplina hasen me vështirësi dhe barriera të shumta.
Ndonëse numrat e grave dhe vajzave, që studiojnë në këto degë kanë parë rritje të vazhdueshme, në periudhën 2015-2017, Banka Botërore raporton se në rang global, vetëm 4 në 10 të diplomuar janë vajza. Në Shqipëri, në vitin 2017, përqindja e vajzave të diplomuara nga studimet universitare në këto degë ishte vetem 14.7%, shifër që shkon në 15.2% në 2018.
Ndërkohë, si në botë dhe Shqipëri, auditoret kanë gjithnjë e më shumë vajza se djem, por në pozicionet drejtuese në tregun e punës vërehet një realitet ndryshe.
Me gjithë sfidat e mëdha, gratë shqiptare në STEM kanë arritur pozicione të larta lidershipi, dhe kanë shumë për të treguar.
Webinari i rradhës i Scidev i kushtohet pikërisht këtyre modeleve të suksesit, për të mësuar më shumë për rrugëtimin e tyre, për të marrë këshilla, si dhe për të diskutuar për mundësitë, që u ofrohen vajzave të reja, që vendosin të ndjekin këtë rrugëtim.
Si mund të arrijmë të thyejmë tavanin e qelqtë dhë të ndihmojnë gratë dhe vajzat e tjera që aspirojnë në këto karriera?
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
