Pas tre edicionesh të suksesshme, Product Launch #4 vjen me një tematikë tejet të veçantë dhe me vlera të mëdha edukative: prezantimi i Albquest – platformës së parë shqiptare të krijuar posaçërisht për fëmijët e diasporës.
Albquest është një hapësirë digjitale dinamike, ku fëmijët shqiptarë, kudo që ndodhen në botë, mund të lidhen me gjuhën, kulturën, historinë dhe traditat e tyre përmes metodave bashkëkohore, krijuese dhe gjithëpërfshirëse. Misioni i platformës është të ruajë dhe të forcojë identitetin kulturor ndër breza, duke e bërë të mësuarit një përvojë të bukur dhe kuptimplotë.
Në qendër të kësaj iniciative qëndron filologia Kleida Peçulaj, e cila ka ndërtuar një qasje profesionale dhe të ndjeshme ndaj sfidave që sjell mësimdhënia në diasporë. Gjatë eventit, të pranishmit do të kenë mundësi të njihen më nga afër me funksionimin e platformës, përfitimet që ajo sjell për fëmijët dhe vizionin që qëndron pas saj.
Çfarë do të përfshijë eventi:
-
Prezantimi i drejtpërdrejtë i platformës Albquest
-
Biseda rreth rëndësisë së ruajtjes së identitetit kulturor tek fëmijët shqiptarë jashtë vendit
-
Diskutim mbi sfidat e edukimit në diasporë dhe rolin e teknologjisë në këtë proces
-
Si mund të kthehet mësimi në një përvojë emocionuese për fëmijët shqiptarë në çdo cep të botës
📍 Vendi :
OneConnect Hub, hapësira më e re dhe energjike për bashkëpunim dhe kreativitet në zemër të Tiranës, brenda strukturës ikonike të Piramidës.
Bëhuni pjesë e këtij eventi për të zbuluar se si Albquest po krijon ura të reja kulturore dhe arsimore përmes teknologjisë, duke fuqizuar brezit të ri me dije, lidhje dhe krenari për rrënjët e tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
