Edi Demaj është bashkë-themelues dhe COO i Rocket Fiber, një ofrues i internetit të shpejtë (në Gigabite), IPTV dhe telefonëve. Edi është përgjegjës për të ndihmuar në zbatimin e vizionit të Rocket Fiber për të tejkaluar hendekun mes teknologjisë, produktit dhe zonave të tjera në kuadër të kompanisë. Për të ndihmuar në arritjen e vizionit të Rocket Fiber, ai ndihmon në mbikëqyrjen e negociatave dhe menaxhimin e shitësve dhe klientëve të ndryshëm. Rocket Fiber është rritur me më shumë se 50 anëtarë në ekip dhe po vazhdon të zgjerojë rrjetin e saj.
Edi ka bashkë-themeluar edhe disa kompani të tjera si përshembull iziSurvey, një platformë online dhe offline për sondazhe dhe REOZOM, një kompani e pasurive të patundshme që ka dalë kohët e fundit.
Edi është gjithashtu një partner në Gjirafa.com, motori i parë shqiptar dhe i vetëm i kërkimit.
Para fillimit kompanitë e tij, Edi ka punuar për “Bedrock Real Estate” në Detroit, pjesë e kompanive “Quicken Loans“ dhe “Rock Ventures”, ku ai ndihmoi me menaxhimin dhe koordinimin për zhvillimin e kompanisë.
Endri Mataj, një adhurues i teknologjisë së informacionit, me diplomë MS në fushën e Telekomunikacionit në Universitetin e Syracuse në New York, është moderatori i eventit të përmuajshëm i cili padyshim do të udhëheqë edhe takimin e rradhës me Edi Demaj.
Startup Grind është një komunitet global i startupeve i krijuar me qëllimin për të edukuar, frymëzuar dhe ndërlidhur sipërmarrësit nga e gjithë bota me njëri-tjetrin. Evenimenti organizohet në më shumë se 200 qytete dhe 85 vende në të gjithë botën ku marrin pjesë themeluesë lokalë, inovatorë, edukatorë, investitorë të suksesshëm të cilët ndajnë historitë e nisjes së biznesit dhe mësimet e mësuara në rrugën e ndërtimit të kompanive të suksesshëm. Intervistat mujore në Startup Grind me një të ftuar të fushës së biznesit dhe investimeve japin një mundësi të shkëlqyer për netëorking dhe vendosjen e lidhjeve afatgjata dhe të besueshme midis aktorëve pjesëmarrës në event. Duke parë impaktin pozitiv në dhënien e shembujve konkretë për të rinjtë që kanë ide dhe duan të katapultohen në botën e biznesit, BusinessMag ju fton të merrni pjesë dhe të shpalosni idetë tuaja, sugjerimet, inovacionin dhe të jeni pjesë aktive e komunitetit më të madh në vend të startupeve. Për më shumë informacione ju ftojmë të vizitoni adresën StartupGrind.com.
Nëse doni të rezervoni biletën klikoni KËTU.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
