Mundësi bashkëpunimi me ndërmarrjet gjermane. Në muajin tetor mbahet në Berlin konferenca për mbrojtjen e ambientit - Business Magazine Albania

Mundësi bashkëpunimi me ndërmarrjet gjermane. Në muajin tetor mbahet në Berlin konferenca për mbrojtjen e ambientit

Mundësi bashkëpunimi
20-10-2021 Join

Në muajin tetor, datë 20 do të mbahet në Berlin një konferencë për mbrojtjen e ambientit. Do të jenë të pranishme ndërmarrjet më të rëndësishme gjermane. Nëpërmjet kësaj konference jo vetëm krijohet mundësia për bashkëpunim me to, por edhe mundësia për të përfituar nga ndihmat financiare të BE për mbrojtjen e ambientit. Kjo do të realizohet nëpërmjet bashkëpunimit me ndërmarrjet gjermane, të cilat janë të specializuara në këtë drejtim.

Hapja e negociatave dhe hyrja në Europë për vendet e Ballkanit Perëndimor po bëhet gjithnjë e më e shpejtë. E rëndësishme është në këtë periudhë përcaktimi i parimeve bazë për një sukses në zhvillimin e ekonomisë.

Në ditët e sotme, mbrojtja e ambientit dhe mënjanimi i mbetjeve luajnë një rol shumë të madh në politiken e bashkimit europian. Një qëndrim negativ në këtë drejtim është i lidhur me kosto të larta ekonomike si dhe gjoba të ndryshme administrative ashtu sikurse një përpjekje pozitive në këtë drejtim sjell kursime dhe për më tej edhe mundësi të fitimit.

Kur flasim për zhvillim ekonomik kuptohet edhe ripërpunimi i lëndëve të para ose riciklimi i tyre dhe mbetjeve të tyre. Natyrisht që për ndërmarjet e ndryshme zbatimi i këtij sistemi është i lidhur me kosto të ndryshme. Kjo është edhe arsyeja që një sistem i tillë shoqërohet me ndihma të mëdha dhe të ndryshme financiare nga BE.

Si partner të rëndësishëm shfaqen në këtë rast ndërmarrjet gjermane, të cilat kanë një eksperiencë të madhe në këtë drejtim dhe që janë gati të bashkëpunojnë. Shfrytëzoni sot donacionet e BE me qëllim që ndërmarrja juaj të jetë e përgatitur për të ardhmen dhe po ashtu të mundeni të përfitoni sa më shumë nga ndihmat e BE.

Merrni pjesë personalisht ose në mënyrë virtuale në konferencën e Berlinit të datës 20.10.2021 dhe mundohuni ta shfrytëzoni këtë rast për të krijuar lidhje me ndërmarrjet e suksesshme gjermane për të përfituar edhe nga eksperienca e tyre.

Për më shumë informacion klikoni këtu.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0