LEAPin Tirana 2019


A keni ëndërruar ndonjëherë të jeni pjesë e një konference me përmasa ndërkombëtare? Po sikur të keni në CV-n tuaj një certifikatë si një pjesëmarrës i një konference të njohur si LEAP, organizuar nga Leadership Development Association Albania and Kosovo. LEAP in Tirana është një konferencë që do të mbledhë bashkë 15 folës nga fusha të ndryshme. Folësit janë individë të njohur, të cilët kanë pasur sukses në fusha të ndryshme si sipërmarrja, politika, arti, arsimi, kultura, aktrimi, gazetaria, televizioni etj.

LEAP qëndron për Learn (Mëso), Engage (Angazhohu), Act (Vepro), Progress (Përparo) dhe synon të sjellë së bashku në një samit të gjatë disa folës motivues, të cilët do të ndajnë eksperiencat e tyre dhe do të motivojnë të rinjtë për të arritur qëllimet e tyre. Një pjesë e rëndësishme e konferencës do të jetë modeli që do t’i përcillet pjesëmarrësve në lidhje me përfshirjen qytetare dhe se si të qenit pjesë e komunitetit do të përmirësojë të ardhmen e tyre dhe do të sjellë progres në gjeneratat e ardhshme.

Ky është viti i tretë që organizohet LEAP in Tirana, por kjo konferencë do të jetë akoma më e madhe, inovative dhe plot surpriza. A nuk është interesante të dëgjosh historinë e sipërmarrësve të rinj që rrezikuan me ide inovative në tregun tonë? Gjithashtu, është thelbësore të jesh një dëgjues aktiv në tema si të folurit publik, vetë-përmirësimi, politika, inovacioni dhe marketingu, që ndikojnë drejtpërdrejt në karrierën e të rinjve.

Të gjitha sfidat me të cilat një i ri mund të ballafaqohet sot me qëllim që të ketë sukses, do të ndahen nga folësit me publikun. Në fund të këtij samiti ju do të keni një pikëpamje më optimiste drejt suksesit, progresit dhe mundësive që mund të gjenden në vendin tonë.

Disa nga folësit që iu bashkuan ftesës për LEAP in Tirana janë:

Ermal Peci – “Vrapim pas pasionit, punë drejt suksesit.”
Renato Civili – “Si mund të fuqizohet çdo i ri për të arritur më shumë?”
Visjan Ukcenaj – “Të ecësh vetëm në jetë përmes punës.”
Rezart Prifti – “Si të motivosh të rinjtë për të arritur potencialin e tyre në jetë?”
Arjeta Dhima – “Të folurit publik: një folës i mirë lind apo bëhesh?”
Tomi Kallanxhi – “Frika nga dështimi pengon suksesin.”
Viola Xhafaj – “Të jesh një student që punon, historia ime.”
Rudina Dembacaj – “Femra në karrierë: të udhëheqësh përmes humorit.”
Keti Gjipali – “Rrugëtimi i AGOG marketing, një histori e sfidave drejt suksesit.”
Genti Selenica – “Si të krijosh një biznes inovativ në Shqipëri?”

Moderator i eventit do të jetë Arbër Cepani.

Nëse nuk doni të humbni mundësinë për t’u bërë pjesë e këtij eventi, bashkohuni më 23 Shkurt, nga ora 10:00 deri në ora 16:00, në ambientet e Tirana Business Park. Çdo pjesëmarrës do të tërheqë një certifikatë online nga LEAP Summit dhe Leadership Development Association Albania and Kosovo.

Për më shumë informacion klikoni këtu.

Për të rezervuar biletën tuaj këtu.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale