Fakulteti i Teknologjisë dhe Biznesit Kolegji Universitar Beder, është iniciator dhe krijues i një prej eventeve më të mëdha akademike kombëtare dhe rajonale që bashkon teknologjinë, biznesin dhe zhvillimin e qëndrueshëm nën ndikimin gjithëpërfshirës të dimensionit të inovacionit në konferencën e parë ndërkombëtare për Inovacionin në Biznes dhe Teknologji 10 qershor 2022, ICIBT 2022.
Qëllimi kryesor i konferencës është të mbledhë së bashku ekspertë kryesorë nga biznesi, publiku, sektori, komuniteti akademik në fushën e inovacionit, duke mundësuar paraqitjen e praktikave të mira dhe shkëmbimin e njohurive dhe përvojave me qëllim stimulimin inovacionit dhe krijimit të një mjedisi të përshtatshëm për zhvillimin e tij. Në fokus të konferencës është një nga sfidat më të rëndësishme të zhvillimit të kohës sonë, dhe kjo është – si të miratojnë dhe zbatojnë më së miri proceset e inovacionit në biznes dhe teknologji njëkohësisht duke kontribuar në zhvillimin e qëndrueshëm të vendit?
Duke qenë se bashkëpunimi aktual mes universiteteve dhe sektorit të biznesit ka qenë kryesisht bazuar në iniciativa individuale pa një qasje konsistente dhe të institucionalizuar organizimi i një eventi të tillë do të kontribuojë në një bashkëpunim të institucionalizuar mes
sektorit të biznesit dhe akademisë, duke mundësuar transferimin e praktikave më të mira në mes palëve. Ky lloj bashkëpunimi do të nxisë rritjen ekonomike kombëtare dhe rajonale, hapjen e mundësive të punësimit, por edhe promovimin e një roli gjithnjë e më thelbësor të arsimit të lartë dhe zvogëlimin e hendekut që ekziston midis institucioneve kërkimore dhe sektorit të biznesit, duke rritur kështu kapacitetin inovativ të komunitetit akademik. Veprimtaria do të presë novatorë, drejtues të arsimit dhe përfaqësues të akademisë, sipërmarrësit dhe profesionistët e shkencave kompjuterike që marrin pjesë në disa 7 sesione specifike në tematikat e:
- TEKNOLOGJI DHE SHKENCA KOMPJUTERIKE,
- EKONOMI, MENAXHIM DHE MARKETING
- QËNDRUESHMËRIA, SIPËRMARRJA DHE TRANSFORMIMI DIGJITAL NË INDUSTRI
- TRANSFORMIMI DIGJITAL NË SEKTORIN FINANCIAR
- ZBATIMI I TIJ NË ARSIM DHE SHKENCË
- INOVACIONET DIGJITALE TË KUJDESIT SHËNDETËSOR
Tarifa e pjesëmarrjes dhe regjistrimit
Tarifa e regjistrimit për pjesëmarrësit e huaj është: Personal – 150 €, Virtual – 70 €, ndërsa për pjesëmarrësit vendas është: Personal dhe Virtual – 50 €.
Pagesa do të bëhet në bankë nëpërmjet llogarisë së institucionit. Të gjithë pjesëmarrësit do të marrin materialet e konferencës si dhe certifikatën e pjesëmarrjes dhe librin e punimeve. Tarifa të veçanta aplikohen vetëm për organizimet e ngjarjeve sociale ose për publikimin e artikujve në revistën ndërkombëtare.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
