Junior Achievement of Albania sjell eventin “Leader for a day”


Junior Achievement (JA) është organizata më e madhe në botë, e cila edukon dhe frymëzon të rinjtë për të vlerësuar lirinë e sipërmarrjes, biznesit dhe ekonomisë në dobi të përmirësimit të cilësisë së jetës së tyre. Fillimisht e themeluar në vitin 1919 në Shtetet e Bashkuara, rrjeti i Junior Achievement sot është zgjeruar në 122 vende të botës, me një rritje prej 10.6 milionë studentësh në vit.

Programi JA në Shqipëri është një investim strategjik i Fondacionit Shqiptaro – Amerikan për Zhvillim (AADF) me mbështetje institucionale të Ministrisë së Arsimit, Sportit dhe Rinisë. Modulet e Junior Achievement tashmë janë pjesë e kurrikulës bërthamë dhe me zgjedhje në të gjitha shkollat e mesme dhe ato të arsimit bazë (sistemi k-9). Programi Junior Achievement ofrohet në 176 shkolla të mesme në Shqipëri, duke përfshirë 11800 studentë, të moshës 16-18 vjeç. Këta studentë prezantohen me biznesin dhe sipërmarrjen nëpërmjet metodologjive praktike të të mësuarit. Nxënësit kanë mundësinë për të krijuar, udhëhequr dhe menaxhuar mini-kompaninë e tyre të vogla. Ata mësojnë rreth strategjive të marketingut, planifikimit të biznesit, operacioneve dhe menaxhimit financiar të mini-kompanive të tyre.

“Leader for a day” është një event një ditor dedikuar udhëheqësve të ardhshëm. Ai shërben si një mundësi e mirë për të lidhur ngushtë studentët e rinj JA me liderë të vërtetë në sektorin publik dhe privat. 40-45 nxënës nga shkollat ​​e mesme JA në Shqipëri do të kenë mundësinë e rrallë dhe unike për të qenë një udhëheqës biznesi i vërtetë në këtë ditë dhe për të kuptuar se çfarë do të thotë të udhëheqin, menaxhojnë, drejtojnë dhe marrin vendime me përgjegjësi. Nxënësit e JA do të kalojnë një ditë të tërë pranë udhëheqësve të shquar dhe do ta ndjekin procesin e punës nga afër, duke mësuar disa nga kompleksitetet që vijnë me këtë rol plot angazhim.

Kjo iniciativë gëzon sukses të madh në mbarë botën. Çdo vit, biznesmenët, politikanët dhe udhëheqësit nga të gjitha sferat e jetës shërbejnë si modele për mijëra të rinj.

“Leader for a day” kulmon me një Ceremoni Gala në ambientet e hotel Plaza, me figura publike, përfaqësues diplomatikë dhe përfaqësues të OJQ-ve ndërkombëtare, drejtues të nivelit të lartë të komunitetit të biznesit shqiptar, mësues dhe 40-45 nxënësit më të mirë.

Për më shumë informacion mund të kontaktoni në:

Tel: +355 42259108
E-mail: [email protected]; [email protected]

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale